قازاقستانداعى ەكىنشى دەڭگەيلى بانكتەر ازاماتتارعا نەسيە بەرۋمەن عانا شەكتەلمەي, ءىرى ەكونوميكالىق جوبالاردى قارجىلاندىرۋعا دا بەلسەندى قاتىسۋى ءتيىس. پرەزيدەنت قاسىم-جومارت توقاەۆ جولداۋدا ۇلتتىق بانك پەن ۇكىمەتكە وسى ماسەلەنى شۇعىل تۇردە شەشۋدى تاپسىردى, دەپ جازادى Egemen.kz.
«قازاقستانداعى بانكتەردىڭ قاراجاتى مەن اكتيۆتەرى دامىعان ەلدەرگە قاراعاندا ورتا ەسەپپەن بىرنەشە ەسە كوپ پايدا اكەلەدى. سەبەبى ءبىزدىڭ بانكتەر ەكونوميكاعا نەسيە بەرگەننەن گورى قارجىلاي تاۋەكەلى تومەن باعىتتارعا اقشا سالعاندى ءجون كورەدى. وسى ماسەلەنى دەپۋتاتتار, ساراپشىلار كوتەرىپ ءجۇر. ۇلتتىق بانك پەن ۇكىمەت بانكتەردىڭ اقشاسىن ەكونوميكاعا بارىنشا تارتۋدىڭ ءتيىمدى تاسىلدەرىن تابۋ قاجەت. ەندى بۇل ماسەلەنى سوزۋعا بولمايدى, شۇعىل شەشۋ قاجەت», دەدى توقاەۆ.
مەملەكەت باسشىسى بانكتەر تۋرالى جاڭا زاڭ قابىلداۋدىڭ ماڭىزىن دا اتاپ ءوتتى.
«بۇل باعىتتاعى ماڭىزدى قادامنىڭ ءبىرى بانكتەر تۋرالى ەل ەكونوميكاسىنىڭ قاجەتتەلىگىن ەسكەرەتىن جاڭا زاڭ قابىلداۋ. قۇجاتتا باسەكەلەستىكتى كۇشەيتۋ, نارىققا جاڭا قاتىسۋشىلاردى تارتۋ, فينتەحتى دامىتۋ جانە تسيفرلىق اكتيۆتەردى ليبەراليزاتسيالاۋ ماسەلەسى قارالۋى كەرەك», دەدى ول.
جاڭا زاڭ بانك سەكتورىن دامىتىپ, قارجىنى ناقتى ەكونوميكاعا تارتۋدى كۇشەيتۋگە باعىتتالماق.