استانا. 23 ماۋسىم. كەشە استانادا فۋتبولدان 17 جاسقا دەيىنگى جاستار قۇرامالارى اراسىندا قازاقستان پرەزيدەنتىنىڭ كۋبوگى ءۇشىن حالىقارالىق تۋرنير باستالدى. بيىل VIII رەت ۇيىمداستىرىلعان جارىسقا 8 مەملەكەت قاتىسۋدا. بۇل تۋرالى ras.kz حابارلادى.
قاتىسۋشى كوماندالار ەكى توپقا ءبولىندى. ونىڭ بىرىنشىسىندە بەلارۋس, ازەربايجان, رەسەي-2, گرۋزيا كوماندالارى بولسا, ەكىنشىسىنە يسپانيا, تاجىكستان, قازاقستان, قىرعىزستان جاستارى توپتاسقان.
يسپان مامانى كارلوس مارتورەللا جاتتىقتىراتىن قازاقستان جاستار قۇراماسى العاشقى ويىنىن قىرعىزستانعا قارسى وتكىزدى. بۇل ويىندا ەسەپتى قوناقتار اشتى. كەزدەسۋدىڭ 25-مينۋتىندا ەمير شىگايباەۆ مەرگەندىگىمەن كوزگە ءتۇسىپ, كومانداسىن ەسەپتە العا شىعاردى. ال الاڭ يەلەرى تەك 68-مينۋتتا عانا تارازى باسىن تەڭەستىرۋگە مۇمكىندىك تاپتى. ناتيجەلى سوققىنىڭ اۆتورى – ساعادات تۇرسىنباي. ارادا ءۇش مينۋت وتكەن كەزدە قازاق ۇلاندارى ەكىنشى گولدارىن سوقتى. بۇل جولى دوپ ءمادي جاقىپباەۆتىڭ ەنشىسىنە جازىلدى. ويىننىڭ نۇكتەسىن 80-مينۋتتا قازاقستان فۋتبولشىسى مۇحيت جاقسىلىق قويدى. ناتيجەسىندە جاستارىمىز 3:1 ەسەبىمەن جەڭىسكە جەتتى.
كەشە وتكەن وزگە ويىنداردىڭ ناتيجەلەرى تومەندەگىدەي:
بەلارۋس – ازەربايجان 1:3
گولدار: كسەنوفونتوۆ 4 – مەحديەۆ 23, اسادوۆ 30, گۋلەر 78.
يسپانيا – تاجىكستان 3:0
گولدار: الەحاندرو 13, بارتالونە 71, برانداريتس 79.
رەسەي-2 – گرۋزيا 0:2
گولدار: كيمەريدزە 13, حارابادزە 35.
بۇگىن 2-تۋر اياسىندا بەلارۋس گرۋزيادان 1:2 ەسەبىمەن جەڭىلسە (گولدار: كازاكوۆ 17 – سپاندەراشۆيلي 16, حارابادزە 58), ازەربايجان رەسەيدىڭ ەكىنشى قۇراماسىنان 1:0 ەسەبىمەن باسىم ءتۇستى (گول: وكسۋز 16). ءدال قازىر تاجىكستان مەن قىرعىزستان فۋتبولشىلارى كۇش سىناسۋدا. ال قازاقستان – يسپانيا ويىنى ساعات 19:00-دە باستالادى.
سوڭعى تۋر ويىندارى 25 ماۋسىمدا وينالادى. بۇل سىندا گرۋزيا – ازەربايجان, رەسەي-2 – بەلارۋس, يسپانيا – قىرعىزستان جانە قازاقستان – تاجىكستان اراسىنداعى ويىندارعا كۋا بولامىز.
ءتۋرنيردىڭ فينالدىق كەزەڭى 26 ماۋسىمعا جوسپارلانعان. ءار توپتاعى ءبىرىنشى ورىن العان كوماندالار فينالدا ويناسا, 2-ساتىعا تابان تىرەگەن قۇرامالار قولا جۇلدە ءۇشىن باق سىنايدى. قالعان ورىندار دا وسى ءتارتىپ بويىنشا ساراپقا سالىنادى.
ەلامان قوڭىر.
دەرەك: ras.kz.
سۋرەت: presidentcup.kz.