YouTube ۆيدەوحوستينگى قازاقستان مەن رەسەي اۋماعىندا ىستەن شىعىپ, ميلليونداعان قولدانۋشىنى ابىگەرگە سالدى, دەپ حابارلايدى Egemen.kz.
Downradar سايتىنىڭ دەرەكتەرىنە قاراعاندا, ەڭ كوپ شاعىم ەلوردا ۋاقىتىمەن ساعات 15:00-دە تىركەلگەن. ەڭ بەلسەندى استانا, الماتى, پەتروپاۆل, ماسكەۋ مەن سانكت-پەتەربۋرگ تۇرعىندارى شاعىم قالدىرعان. قازىردىڭ وزىندە YouTube باستى بەتىنىڭ باياۋ جۇكتەلۋى مەن بەينەلەردىڭ ۇزاق اشىلۋى ءجيى كەزدەسىپ وتىر.
سونىمەن قاتار حابارلانعانداي, 4 قىركۇيەك كۇنى كەشكى ساعات 22:17-دە دە الەمنىڭ ءار تۇكپىرىنەن وسىنداي اقاۋلارعا بايلانىستى ارىز-شاعىمدار كوبەيگەن. 5 قىركۇيەكتىڭ ەكىنشى جارتىسىندا دا جاعداي قايتالانعانىمەن, ءبىراز باسەڭدەگەن.
الەۋمەتتىك جەلىلەردە قولدانۋشىلار «ينتەرنەتكە قوسىلماعانسىز» دەگەن قاتە حابارلامالاردى العانىن, ال بەينەلەردىڭ «شەكسىز جۇكتەلىپ» تۇرا بەرەتىنىن جازىپ جاتىر. Downdetector دەرەكتەرىنە سايكەس, ەڭ كوپ ماسەلە بەينە ويناتۋعا, سايتتىڭ جانە قوسىمشانىڭ جۇمىس ىستەۋىنە قاتىستى تىركەلگەن.