وتكەن جىلى قازاقستان مەن اقش اراسىنداعى ساۋدا كولەمى $4,2 ملرد-قا جەتتى. وسى كورسەتكىشتى ۇلعايتۋ جولدارى پرەمەر-ءمينيستردىڭ ورىنباسارى سەرىك جۇمانعاريننىڭ امەريكالىق ينۆەستورلارمەن كەزدەسۋىندە تالقىلاندى, دەپ حابارلايدى Egemen.kz.
كەزدەسۋگە اقش ساۋدا پالاتاسىنىڭ تاياۋ شىعىس, تۇركيا جانە ورتالىق ازيا بويىنشا اعا ۆيتسە-پرەزيدەنتى حۋش چوكسين, سونداي-اق Chevron, Meta, Apple, Coca Cola, Mastercard جانە Amway كومپانيالارىنىڭ وكىلدەرى قاتىستى.
سەرىك جۇمانعارين امەريكا قۇراما شتاتتارىنىڭ قازاقستان ءۇشىن نەگىزگى ساۋدا-ەكونوميكالىق سەرىكتەستەردىڭ ءبىرى ەكەنىن اتاپ ءوتىپ, ەكىجاقتى ىنتىماقتاستىقتى كەڭەيتۋ ەلدىڭ سىرتقى ەكونوميكالىق ساياساتىنىڭ باسىم باعىتى ەكەنىن ايتتى. ونىڭ ايتۋىنشا, تاراپتار الداعى جىلدارى تاۋار اينالىمىن ەسەلەۋگە تولىق مۇمكىندىككە يە.
قازىرگى تاڭدا قازاقستاندا اقش كاپيتالىنىڭ قاتىسۋىمەن 700-دەن استام كاسىپورىن جۇمىس ىستەيدى. 2005 جىلدان بەرى تارتىلعان تىكەلەي ينۆەستيتسيالار كولەمى $51 ملرد-تان استى. ءىرى امەريكالىق كومپانيالار – Chevron, ExxonMobil, Pfizer, General Electric, Wabtec – مۇناي-گاز, فارماتسەۆتيكا, ەنەرگەتيكا جانە ماشينا جاساۋ سالالارىنا ايتارلىقتاي ۇلەس قوسىپ وتىر.
اڭگىمە بارىسىندا امەريكالىق تاراپ جاڭا سالىق كودەكسى, زاڭنامانى جەتىلدىرۋ, ءتۋريزمدى دامىتۋ, ساۋداداعى كەدەرگىلەردى ازايتۋ سياقتى ماسەلەلەردى كوتەردى. قازاقستاندىق تاراپ اتالعان سۇراقتارعا تولىققاندى تۇسىنىكتەمەلەر بەردى.
جيىن سوڭىندا سەرىك جۇمانعارين امەريكالىق ينۆەستورلاردى قازاقستانداعى مۇمكىندىكتەردى بەلسەندى پايدالانۋعا شاقىرىپ, جاڭا باستامالاردى بىرلەسىپ ىسكە اسىرۋعا دايىن ەكەنىن مالىمدەدى.