الەمگە تانىمال يرلانديالىق سپورتشى, UFC-ءدىڭ بۇرىنعى چەمپيونى كونور ماكگرەگور ساياسات ساحناسىنا قادام باستى. ول ءوزىنىڭ Instagram پاراقشاسىندا الداعى يرلانديا پرەزيدەنتتىك سايلاۋىنا قاتىسۋعا نيەتتى ەكەنىن رەسمي تۇردە مالىمدەدى, دەپ جازادى Egemen.kz.
«يرلانديا ازاماتتارى, ناعىز وزگەرىستەر ۋاقىتى كەلدى! پرەزيدەنت رەتىندە مەن زاڭ جوباسىنا ءبىرىنشى حالىققا ۇسىنىلمايىنشا قول قويمايمىن! ەگەر ءسىز مەنىڭ اتىمدى سايلاۋ بيۋللەتەنىنەن كورگىڭىز كەلسە, بۇگىننەن باستاپ ءوز وكرۋگىڭىزدەگى دەپۋتاتتارعا حابارلاسىپ, مەنىڭ كانديداتۋرامدى قولداۋىڭىزدى سۇرايمىن», دەپ جازدى كونور.
ەستەرىڭىزگە سالا كەتەيىك, يرلاندياداعى پرەزيدەنتتىك سايلاۋ 2025 جىلدىڭ 11 قاراشاسىندا وتەدى. قازىرگى مەملەكەت باسشىسى مايكل حيگگينس بۇل قىزمەتتە 2011 جىلدان بەرى وتىر.
36 جاستاعى كونور ماكگرەگور دۋبلين قالاسىندا تۋعان. ول مما-داعى كاسىبي مانسابىندا 28 جەكپە-جەك وتكىزىپ, 22 رەت جەڭىسكە جەتكەن. الەمدىك سپورت تاريحىندا العاش رەت UFC-ءدىڭ ەكى ءتۇرلى سالماق دارەجەسىندە قاتار چەمپيون اتانعان.