قازاقستاندىق سەيسمولوگتار قىتاي اۋماعىندا بولعان جەر سىلكىنىسىن تىركەدى, دەپ حابارلايدى Egemen.kz.
قازاقستاننىڭ ۇلتتىق دەرەكتەر ورتالىعىنىڭ جەدەل مالىمەتىنشە, 4 قىركۇيەك كۇنى ساعات 12:15-تە (استانا ۋاقىتى) قىتاي اۋماعىندا ماگنيتۋداسى 5 بالدىق جەر سىلكىنىسى بولعان.
ال ەۋروپا-جەرورتا تەڭىزى سەيسمولوگيالىق ورتالىعىنىڭ دەرەگىنشە, جەر سىلكىنىسىنىڭ قۋاتى 4,6 بالعا تەڭ. كارتاداعى كورسەتىلىمگە ساي, ءزىلزالانىڭ ەپيتسەنترى الماتىدان وڭتۇستىك-شىعىسقا قاراي 436 شاقىرىم جەردە ورنالاسقان. قازاقستان اۋماعىندا سىلكىنىس سەزىلمەگەن.
ايتا كەتەيىك, بۇعان دەيىن, 2 قىركۇيەك كۇنى الماتىدا 2 بالدىق جەر سىلكىنىسى تىركەلگەن ەدى. ونىڭ ەپيتسەنترى دە قىتاي اۋماعىندا, قالادان 319 شاقىرىم قاشىقتىقتا بولعان.