2025 جىلعى 1 جەلتوقساننان باستاپ تايلاندتىڭ «Thai Air Asia X» لوۋكوستەرى قازاقستان باعىتىنا شىعۋدى جوسپارلاپ وتىر, دەپ حابارلايدى Egemen.kz.
اۋە كومپانياسى بانگكوك – الماتى اراسىندا اپتاسىنا ءتورت مارتە تۇراقتى رەيس ورىندايتىن بولادى. ۇشۋلار دۇيسەنبى, سارسەنبى, بەيسەنبى جانە جەكسەنبى كۇندەرى جۇزەگە اسىرىلادى.
كولىك مينيسترلىگى حالىقارالىق باعىتتاردى كەڭەيتۋ مەن رەيستەر سانىن كوبەيتۋ جۇمىستارىن جالعاستىرىپ جاتقانىن اتاپ ءوتتى. جاڭا اۋە قاتىناسى قازاقستان مەن تايلاند اراسىنداعى ساۋدا, ەكونوميكا, بيزنەس, ينۆەستيتسيا, تۋريزم جانە مادەنيەت سالالارىنداعى ىنتىماقتاستىقتى دامىتۋعا جول اشادى.