جىل باسىنان بەرى بالا تۋىنا, كۇتىمىنە بايلانىستى تولەنگەن جاردەماقىنىڭ جالپى سوماسى 507 ملرد تەڭگەگە جۋىقتاعان. ونىڭ ىشىندە تەك بالا تۋعاندا بەرىلەتىن جاردەماقىعا رەسپۋبليكالىق بيۋدجەتتەن 36,4 ملرد تەڭگە قارالىپ, 201,7 مىڭ ازاماتقا تيگەن.
جاردەماقىنىڭ وسى تۇرىنە بالا تۋعان, اسىراپ العان, قامقورلىققا العان بالالارى بار ەل ازاماتتارى, قانداستار, ەلدە تۇراقتاپ قالعان شەتەلدىكتەر ۇمىتكەر بولا الادى. بالا تۋىنا, بالا كۇتىمىنە ارنالعان مەملەكەتتىك جاردەماقىلاردىڭ مولشەرى رەسپۋبليكالىق بيۋدجەت تۋرالى زاڭمەن ءتيىستى قارجى جىلىنا بەكىتىلگەن ايلىق ەسەپتىك كورسەتكىشكە (اەك) بايلانىستى بەلگىلەنەدى. جىل باسىندا مەملەكەتتىك جاردەماقىلاردىڭ مولشەرى 6,5%-عا يندەكستەلگەن.
بالا تۋعاندا بەرىلەتىن جاردەماقىنىڭ بيىلعى مولشەرى:
– ءبىرىنشى, ەكىنشى, ءۇشىنشى بالاعا – 38,0 اەك نەمەسە 149 416 تەڭگە;
– ءتورتىنشى, ودان كەيىنگى بالالارعا – 63,0 اەك نەمەسە 247 716 تەڭگە.
بالا 1,5 جاسقا تولعانعا دەيىن كۇتىمىنە بايلانىستى بەرىلەتىن جاردەماقى اي سايىن كەلەسىدەي مولشەردە تولەنەدى:
– ءبىرىنشى بالاعا – 5,76 اەك نەمەسە 22 648 تەڭگە;
– ەكىنشى بالاعا – 6,81 اەك نەمەسە 26 777 تەڭگە;
– ءۇشىنشى بالاعا – 7,85 اەك نەمەسە 30 866 تەڭگە;
– ءتورتىنشى, ودان كەيىنگى بالالارعا – 8,90 اەك نەمەسە 34 995 تەڭگە.
بۇدان باسقا, جۇمىس ىستەيتىن ازاماتتارعا جۇكتىلىككە, بوسانۋعا, جاڭا تۋعان بالانى اسىراپ الۋعا بايلانىستى كىرىسىنەن ايىرىلعان جاعدايدا ماسق-تان تولەنەتىن الەۋمەتتىك تولەم جۇكتىلىگى, بوسانۋى بويىنشا بەرىلگەن دەمالىستىڭ بارلىق كۇندەرىنە تاعايىندالادى. تولەم مولشەرى جۇكتىلىگى, بوسانۋى بويىنشا ۋاقىتشا ەڭبەككە جارامسىزدىق پاراعى بەرىلگەنگە دەيىنگى كەيىنگى 12 اي ىشىندە ماسق-عا الەۋمەتتىك اۋدارىمدار جۇرگىزىلگەن ورتاشا ايلىق كىرىسكە, ەڭبەككە جارامسىزدىق كۇندەرىنىڭ سانىنا بايلانىستى بولادى.
اتالعان بىرجولعى تولەم جىل باسىنان بەرى 133,6 مىڭ ادامعا بەرىلگەن. جالپى سوماسى – 190,7 ملرد تەڭگە. شىلدە ايىندا تولەمنىڭ وسى ءتۇرى 24 ملرد تەڭگە سوماسىنا 21,8 مىڭ ادامعا تيگەن. جىل باسىنان بەرى تاعايىندالعان تولەمنىڭ ورتاشا مولشەرى 1 523 093 تەڭگەنىڭ شاماسىندا.