رۋحتى اندەر شىرقالدى

كەش يەسىنىڭ ەسىمى جۇرت­شى­لىققا ەل ءسۇيىپ تىڭ­دايتىن اندەرگە جازعان ولەڭ­دەرىمەن بەلگىلى. بۇگىنگە دەيىن اقىن 300-دەن اسا ءداستۇرلى, ەسترادالىق, كلاس­سيكالىق شىعارمالاردىڭ ءماتىنى مەن 50-گە جۋىق ءاننىڭ ءسوزىن جازعان. بىرنەشە جىر جيناعى جارىق كورگەن. وسى تۋىندىلاردىڭ بىرقاتارى كەش بارىسىندا ورىندالدى. اسىرەسە اۆتور­دىڭ «اسكەري كەرنەي», «جۇماق مەكەن», «جالعىز ءسات», «رايىمبەك باتىر», «قازاقستانىم – وتانىم مەنىڭ», «وفيتسەر مىرزالار», «ەلدىڭ قورعانى», «ابىلاي حان», تاعى باسقا دا پاتريوتتىق اندەرى تىڭدارمان رۋحىن كوتەردى. بۇل كونتسەرتتىڭ ءبىر ەرەك­شە­لىگى – العاش رەت «قازاقكونتسەرت» ارتىس­تەرى مەن قازاقستان قارۋلى كۇشتەرى قۇرا­مىنداعى ونەرپازدار بىرلەسىپ ونەر كورسەتتى.

سونداي-اق كونتسەرت «كورىگىن» قازاق­ستاننىڭ ەڭبەك سىڭىرگەن قايراتكەرلەرى قۇرماش ماحان, كلارا تولەنباەۆا, نۇر­بولات ارزاماس, «دارىن» مەم­لەكەتتىك جاستار سىيلىعىنىڭ لاۋرەاتى الىبەك الماديەۆ, رەسپۋبليكالىق جانە حالىقارالىق بايقاۋلاردىڭ لاۋ­رەاتتارى ايبەك ءابدىاشيموۆ, ءبىر­جان ايتاحمەت, ايدوس سانيازبەك, يبرا­ھيم ءامين سەكىلدى بەلگىلى انشىلەر قىز­دىرا ءتۇستى. ولار ە.تىلەپبەرديەۆتىڭ سوزىنە جازىلعان اندەردى ناقىشىنا كەل­تىرىپ شىرقادى. «Astana Musical» مەم­لەكەتتىك ميۋزيكل تەاترىنىڭ جاس ونەر­پازدارى اقىن ولەڭدەرىن وقى­دى. «استانا سازى» مەملەكەتتىك فول­ك­لورلىق ءانسامبلى, «گۇلدەر» جانە «بىرلىك» انسامبلدەرى, «حالىق قازى­ناسى» ۇلتتىق ونەر ورتالىعى ارتىس­تەرى­نىڭ ونەرى دە كوپشىلىك كوڭىلىنەن شىقتى.

سونىمەن قاتار كەشكە قورعانىس مينيسترلىگى قارۋلى كۇشتەرىنىڭ ۇلت­تىق اسكەري-پاتريوتتىق ورتالىعى, ۇلت­تىق ۇلاننىڭ ءان-بي ءانسامبلىنىڭ سو­ليستەرى, «ەرلەر» حورى جانە اسكەري ور­كەسترى, مەملەكەتتىك كۇزەت قىزمەتى ور­كەسترى, ۇقك شەكاراشىلار قىزمەتى ءان-بي ءانسامبلىنىڭ جانە ۇلتتىق دەل­في ويىندارىنىڭ جەڭىمپازدارى قاتىستى.

ازات ەسەن