قىتاي استاناسى بەيجىڭدە ءبىرىنشى ۇلتتىق عىلىمدى تانىمال ەتۋ ايىنىڭ شىمىلدىعى ءتۇرىلدى. ەندى بۇل باستاما جىل سايىن قىركۇيەك ايىندا ءداستۇرلى تۇردە وتكىزىلمەك. جوبا قوعامنىڭ ساپالى عىلىمي بىلىمگە دەگەن سۇرانىسىن قاناعاتتاندىرۋعا باعىتتالعان, دەپ حابارلايدى Egemen.kz China Daily-گە سىلتەمە جاساپ.
عىلىم ايى «عىلىم ءومىردى تۇرلەندىرەدى, يننوۆاتسيالار بولاشاقتى قامتاماسىز ەتەدى» دەگەن ۇرانمەن وتۋدە. شارا اياسىندا 100-دەن استام تاقىرىپتىق كورمە مەن ارنايى ءىس-شارا ۇيىمداستىرىلماق. باستى ماقسات قوعامدا عىلىمنىڭ ماڭىزىن تەرەڭ ءتۇسىنۋدى قالىپتاستىرۋ.
باستى اشىلۋ ءراسىمى پەكين عىلىم جانە تەحنولوگيالار مۇراجايىندا, سونداي-اق ۇلتتىق عىلىمي كوممۋنيكاتسيا ورتالىعىندا وتكەن. قوناقتار ءتۇرلى ەكسپوزيتسيالارمەن تانىسىپ قانا قويماي, ينتەراكتيۆتى ساباقتارعا قاتىسىپ, عالىمدار مەن ەرىكتىلەرمەن ەركىن اڭگىمەلەسۋ مۇمكىندىگىنە يە بولدى.
ايتا كەتەيىك, قحر-نىڭ جاڭارتىلعان «عىلىم مەن تەحنولوگيانى تانىمال ەتۋ تۋرالى» زاڭىنا سايكەس, قىركۇيەك رەسمي تۇردە عىلىمدى تانىمال ەتۋ ايى بولىپ بەكىتىلدى. قۇجات ءاربىر ازاماتتىڭ مۇنداي ءىس-شارالارعا قاتىسۋ قۇقىعىن زاڭدى تۇردە قامتاماسىز ەتەدى.