اتىراۋ. 18 اقپان. اتىراۋ وبلىسىندا مۇعالىم نادەجدا ەركەباەۆا بالا كۇتىمىندەگى دەمالىستا جۇرگەنىنە قاراماستان ناۋبايحانا ءىسىن جانداندىرۋدى قولعا الدى. بۇل تۋرالى egemen.kz ءتىلشىسى حابارلادى.
جانباي اۋىلىنداعى ورتا مەكتەپتە اعىلشىن تىلىنەن ءدارىس بەرگەن نادەجدا ەركەباەۆا بەسىنشى بالاسىن ومىرگە اكەلىپ, بالا كۇتىمى ءۇشىن دەمالىس العان. ەندى بوس ۋاقىتىن ءتيىمدى پايدالانۋ ماقساتىندا ەنەسى ءلاززات تاستانوۆامەن بىرگە ناۋبايحانا اشۋعا بەل بۋىپتى. ناۋبايحانا تەحنولوگياسىن ءوز قارجىسىنا ساتىپ الىپتى. ءسويتىپ, اۋلاسىنداعى جازعى سارايدى ناۋبايحاناعا اينالدىرىپ, تۇتىنۋشىعا نان جانە نان ونىمدەرىن ۇسىنا باستادى. ونىڭ باسقارۋىنداعى «جاينا» ناۋبايحاناسىنىڭ ىستىق پەشىنەن شىققان ونىمدەرگە سۇرانىس ارتىپ كەلەدى.
«ءبىز ناۋبايحانامىزدا پىسىرىلگەن نان جانە نان ونىمدەرىن اۋىلىمىزداعى 8 دۇكەن, مەكتەپ پەن بالاباقشا اسحانالارى تاپسىرىسپەن الادى. كورشىلەس زينەدەن اۋىلىنىڭ تۇرعىندارىنا دا ءوز ونىمدەرىمىزدى ۇسىنامىز. ءار كۇن سايىن تۇتىنۋشىعا 350-گە جۋىق نان بولكەلەرى جونەلتىلەدى. وسى ءىسىمدى كەڭەيتىپ, اۋىلداستارىما قوسىمشا جۇمىس ورنىن اشۋدى ويلاستىرىپ ءجۇرمىن», دەيدى وتباسىلىق كاسىپتى دوڭگەلەتە باستاعان مۇعالىم نادەجدا ەركەباەۆا.
جولداسبەك شوپەعۇل.
دەرەك, سۋرەت: «اتىراۋ» گازەتى.