قايعىلى وقيعالار لەگى جۇما كۇنى ءالپىنىڭ يتالياداعى گران-پاراديزو تاۋىندا باستالعان. مۇندا شامامەن 3600 مەتر بيىكتىكتە ءۇش الپينيست قازا تاپتى, دەپ حابارلايدى Egemen.kz.
قۇتقارۋ قىزمەتى الپينيستەردىڭ ءمايىتىن دابىل سيگنالى تۇسكەننەن كەيىن تاپقان. الدىن الا مالىمەت بويىنشا ولار تاۋدىڭ سولتۇستىك بەتكەيىندە قۇلاپ كەتكەن.
كەلەسى تاۋلىكتە مونبلان ماسسيۆىندە تاعى ءۇش ادام كوز جۇمدى. ەكى الپينيست مونبلاننىڭ فرانتسيا اۋماعىندا قۇلاپ قازا تاپسا, ءۇشىنشى ادامنىڭ ءمايىتى يتاليا جاعىنداعى برەنۆا مۇزدىعى ماڭىنان تابىلعان.
الماتىلىق دارىگەر سينگاپۋردان كەلگەن ءالپينيستى قۇتقارىپ قالدى
سەنبى كۇنى ماتتەرحورن تاۋىندا فرانتسۋز ءالپينيسى قازا بولدى. قايعىلى وقيعا تيندال شىڭىندا بولعان, مارقۇمنىڭ دەنەسىن شۆەيتساريا قۇتقارۋ قىزمەتى ەۆاكۋاتسيالاعان. سونداي-اق وسى كۇنى گەرمانياداعى كارۆەندەل تاۋلارىندا 22 جاستاعى الپينيست شامامەن 130 مەتر بيىكتىكتەن قۇلاپ قازا تاپتى. ول ارىپتەسىمەن بىرگە ورمەلەپ, ەكەۋى ءبىر ارقانعا بايلانىپ شيوتتەلتۋرم شىڭىنا كوتەرىلۋ كەزىندە كوز جۇمعان.
جەكسەنبى تۇسكە دەيىن قۇتقارۋ قىزمەتتەرى تاعى ەكى ءولىم دەرەگىن تىركەدى. 25 جاستاعى ايەل مەن 26 جاستاعى ەر ادام يتالياداعى پاسۋبيو تاۋىندا قازا تاپتى. ولار كۇردەلى جارتاستى ۋچاسكەدە شامامەن 100 مەتر بيىكتىكتەن قۇلاپ كەتكەن.
العاش رەت قازاق الپينيستەرى ەيگەر تاۋىنىڭ سولتۇستىك قابىرعاسىن باعىندىردى
ايتا كەتەيىك, استانادا كوپقاباتتى عيماراتتاردىڭ تەرەزەلەرىن تازالاۋعا دايىندىق كەزىندە الپينيست توعىزىنشى قاباتتان قۇلاپ كەتتى.