اقسۋ قالاسىندا زاۋىتتاردىڭ بىرىندە ترانسفورماتوردان ءورت شىقتى. بۇل تۋرالى توتەنشە جاعدايلار مينيسترلىگى مالىمدەدى, Egemen.kz.
ءورتتىڭ سالدارىنان سالقىنداتقىش ماي توگىلىپ, جالىننىڭ جاقىن ورنالاسقان وندىرىستىك ۋچاسكەلەرگە تارالۋ قاۋپى تۋىنداعان.
مينيسترلىكتىڭ مالىمەتىنشە, ءورت اۋماعى شامامەن 40 شارشى مەتردى قۇراعان. وقىس جاعدايدان زارداپ شەككەندەر جوق.
«وقيعا ورنىنا جەدەل جەتكەن تجم بولىمشەلەرى كەلگەننەن كەيىن 12 مەتر بيىكتىكتە ترانسفورماتوردىڭ جانىپ جاتقانى انىقتالدى. ءورت ورنىندا ءورت ءسوندىرۋ جەدەل شتابى قۇرىلدى. ءورتتى سوندىرۋگە اۋە-مەحانيكالىق كوبىك جانە جاقىن ورنالاسقان نىسانداردى قورعاۋ مەن سالقىنداتۋ ءۇشىن سۋ وقپاندارى بەرىلدى» دەلىنگەن حابارلامادا.
الماتىدا ترانسفورماتور ورتەندى
ەسكە سالايىق, بۇعان دەيىن اقسۋ قالاسىندا گاز باللونى جارىلىپ, ءۇش ادام زارداپ شەككەن ەدى. قايعىلى وقيعا جەكەمەنشىك تۇرعىن ۇيلەردىڭ بىرىندە بولعان.