بەيجىڭ 15 قىركۇيەكتەن باستاپ تۇراقتى شەتەلدىك تولقۇجاتى بار رەسەي ازاماتتارى ءۇشىن ۆيزاسىز رەجيم ەنگىزەدى. بۇل تۋرالى قىتاي سىرتقى ىستەر مينيسترلىگىنىڭ رەسمي وكىلى گو تسزياكۋن مالىمدەدى, دەپ جازادى Egemen.kz.
رەسەي ازاماتتارى ءۇشىن ۆيزاسىز رەجيم 2025 جىلعى 15 قىركۇيەكتەن باستاپ 2026 جىلعى 14 قىركۇيەككە دەيىنگى ارالىقتا ەنگىزىلەدى. قازىرگى ۋاقىتتا بۇل شارا ءبىر جىلدىق سىناق رەجيمىندە جۇرگىزىلمەك.
ناۋرىز ايىندا ماسكەۋ مەن بەيجىڭ ەكى ەل ازاماتتارى ءۇشىن وسىنداي شارالاردى تالقىلاپ جاتقانىن حابارلانعان بولاتىن. تامىز ايىندا رەسەيدىڭ سىرتقى ساياسي ۆەدومستۆوسى تاراپتار تۋريستىك توپتار ءۇشىن ەكى ادامنان تۇراتىن ۆيزاسىز رەجيمدى پىسىقتاپ جاتقانىن مالىمدەگەن.
قازىرگە دەيىن رەسەي ازاماتتارىنا قىتايعا بارۋ ءۇشىن ۆيزا قاجەت. دەگەنمەن گونكونگكە 14 كۇنگە دەيىن ۆيزاسىز كىرۋگە رۇقسات ەتىلگەن, ماكاو مەن حاينان ارالىنا – 30 كۇنگە دەيىن. ال قىتايدىڭ باسقا ايماقتارىنا ساپار شەگۋ ءۇشىن ۆيزا راسىمدەۋى قاجەت.
ەستەرىڭىزگە سالا كەتەيىك, 2023 جىلعى 10 قاراشادان باستاپ قازاقستان مەن قىتاي اراسىنداعى «ۆيزالىق تالاپتاردان ءوزارا بوساتۋ» تۋرالى كەلىسىمگە سايكەس ەكى ەل اراسىندا ۆيزاسىز رەجيم ەنگىزىلگەن. سونىمەن قاتار بۇعان دەيىن قىتاي 75 ەلدىڭ ازاماتتارى ءۇشىن ۆيزاسىز رەجيم ەنگىزگەن بولاتىن.