شىمكەنتتەگى مۇناي وڭدەۋ زاۋىتىندا 26 تامىز كۇنى ساعات 14:30 شاماسىندا «پكوپ» جشس اۋماعىندا وقشاۋلاۋ جۇمىستارى كەزىندە اۆتوكوتەرگىش قۇلاپ, سالدارىنان مەردىگەر ۇيىم «كرس استانا» جشس-ءنىڭ ەكى قىزمەتكەرى قازا تاپقان, دەپ حابارلايدى Egemen.kz.
كومپانيانىڭ ءباسپاسوز قىزمەتى مالىمدەگەندەي, «پكوپ» جشس باسشىلىعى مارقۇمداردىڭ وتباسىلارى مەن تۋىستارىنا كوڭىل ايتىپ, قولداۋ بىلدىرگەن.
قازىرگى ۋاقىتتا اپاتتىڭ سەبەپتەرىن انىقتاۋ ءۇشىن ارنايى كوميسسيا جۇمىس ىستەپ جاتىر. زاۋىت ءوز قىزمەتىن قالىپتى جاعدايدا جالعاستىرادى.