رەسپۋبليكالىق پروزاشىلار بايقاۋىنىڭ جەڭىمپازدارى ماراپاتتالدى

قازاقتىڭ قابىرعالى قالامگەرىنىڭ «جارىق دۇنيە» اتتى شىعارماسى اتاۋىمەن جاريالانعان بايگەگە استانا, شىعىس قازاقستان, اتىراۋ, ۇلىتاۋ, الماتى, پاۆلودار, اقتوبە جانە باسقا دا ايماقتاردان جيىرمادان اسا جاس جازۋشى قاتىستى.

«بايقاۋعا تۇسكەن تۋىندىلار ءبىرى-بىرىنەن وتەدى. ءا دەپ وقىعاندا-اق ءيىرىپ اكەتەدى. كەيبىرەۋىندە قاليحاننىڭ, قابدەشتىڭ ءستيلى بار. پروزا قيىن جانر. سونىڭ وزىندە وسىنشاما شىعارما تۇسكەنىنە شىن قۋانىپ وتىرمىن. جەڭىسكە جەتكەن جازۋشىلارعا قۇتتى بولسىن ايتامىن», دەدى ءادىل قازىلار توراعاسى, جازۋشى الىبەك قاڭتارباي.

سونىمەن, جەڭىس تۇعىرىنان كورىنگەندەر ساحنا تورىنە شاقىرىلدى. ىنتالاندىرۋ سىيلىعىنا ءۇش قالامگەر يە بولىپ, اقشالاي سىيلىقپەن ماراپاتتالدى. جۇلدەلى III-ورىنمەن ۇلىتاۋ وبلىسىنان «كۇشالا» اتتى اڭگىمەسى ءۇشىن اباي وراز ماراپاتتالدى. II-ورىن كاتونقاراعايلىق گۇلفايرا قايرولدينانىڭ قانجىعاسىنا بايلاندى. ال I-ورىن الماتىنىڭ اتىنان شىققان ماعاز رەتبەككە بۇيىردى. باس جۇلدەگە مۇقاعاليدىڭ تۋعان جەرىنەن جەتكەن مۇراسىل سەرىكجان لايىق دەپ تابىلدى.

ايتا كەتەيىك, بايقاۋدىڭ جوعارى دەڭگەيدە وتۋىنە قالا اكىمدىگى قولداۋ كورسەتتى.