بۇگىن اتىراۋ وبلىسىنداعى شىعاراتىن كەشەندە رەگەنەراتسيالىق اۋا كومپرەسسورىنىڭ جۇمىسى توقتاپ قالدى. سونىڭ سالدارىنان اۋاعا قارا ءتۇتىن بۋداقتادى, دەپ حابارلايدى Egemen.kz.
كەشەندەگى قارا ءتۇتىننىڭ فوتوسى مەن ۆيدەوسى الەۋمەتتىك جەلىدە تارادى. وسىعان بايلانىستى «Kazakhstan Petrochemical Industries Inc» جشس تۇسىنىك بەردى.
«زاۋىتتا شىلدە-تامىز ايلارىندا نەگىزگى توراپتار مەن جابدىقتاردى ينسپەكتسيالاۋدى قامتيتىن جوسپارلانعان الدىن الۋ جۇمىستارى جۇرگىزىلدى. ىسكە قوسۋ وپەراتسياسى كەزىندە قورعانىس بۇعاتتاۋىنىڭ ىسكە قوسىلۋىنان رەگەنەراتسيالىق اۋا كومپرەسسورى توقتاپ قالدى. بۇل وندiرiستiك پروتسەستiڭ توقتاتىلۋىنا, ءوندiرiستiڭ قاۋiپسiزدiگiن قامتاماسىز ەتۋ ماقساتىندا گازدىڭ ارتىق قىسىمىن شىعارۋ قاجەتتiگiنە اكەلىپ سوقتىردى. جۇيەدەگى قىسىمدى تۇراقتاندىرعاننان كەيىن ىسكە قوسۋ وپەراتسيالارى شتاتتىق رەجيمدە جالعاستى», دەپ حابارلادى كومپانيا.
قازىر زاۋىتتا ىسكە قوسۋ وپەراتسيالارى جالعاستىرىلىپ جاتىر.
«پوليپروپيلەن ءوندىرۋ زاۋىتىندا 99,9% كونتسەنتراتسياسىنا دەيىن تازارتىلعان پروپان پايدالانىلادى. بۇل پروپاندا كۇكىرت پەن كۇكىرتتى سۋتەك قوسپالارى جوق», دەپ مالىمدەدى كومپانيادان.