قۇرمەتتى وقىرمان, تاياۋدا «قازپوچتا» اق مەرزىمدى باسپا باسىلىمدارىنا جازىلىمدى رەسىمدەۋدىڭ جاڭا فورماتىن ەنگىزگەندىگى تۋرالى اقپاراتىن وزدەرىڭىزدىڭ نازارلارىڭىزعا سۇيىنشىلەپ جەتكىزەدى.
بۇقارا حالىق مەرزىمدى باسپا باسىلىمدارىن تاعاتسىزدانا توسىپ, ارقاشاندا اسا قىزىعۋشىلىقپەن وقيتىنى بارشامىزعا ءمالىم جانە دە سول ىستىق ىقىلاس بۇگىنگى كۇندە دە ارتپاسا كەمىگەن جوق. ەلىمىز بەن الەمنىڭ ءار تاراپىندا بولىپ جاتقان وقيعالارمەن ءوز ۋاقىتىندا تانىسۋ قاجەتتىلىگى, بۇگىنگى تاڭدا وقىرمانداردى گازەتتەر مەن جۋرنالداردى ساتىپ الۋعا ىنتالاندىرادى.
ال, كەيبىر زامانداستارىمىز تۇرعىلىقتى مەكەنجايى مەن جۇمىس نەمەسە وقۋ ورنىنا قاجەتتى گازەتتەر مەن جۋرنالداردى جەتكىزىپ بەرۋگە ءمۇمكىندىك بەرەتىن مەرزىمدى باسپا باسىلىمدارىنا جازىلىم رەسىمدەۋدى ءجون كورەدى. ەندى وسى مۇمكىندىكتى ۇيىڭىزدەن ەشقايدا شىقپاي-اق ونلاين رەجىمىندە جۇزەگە اسىرۋدىڭ كەرەمەت ءساتى تۋىنداپ وتىر. ەلىمىزدىڭ تاريحىندا تۇڭعىش رەت 2014 جىلدىڭ 15 جەلتوقسانىندا وتانىمىزدىڭ جەتەكشى رەسپۋبليكالىق باسىلىمدارى «ەگەمەن قازاقستان» جانە «كازاحستانسكايا پراۆدا» گازەتتەرىنە قاناتقاقتى جوبا – «ينتەرنەت-جازىلىم» ارقىلى جازىلىم رەسىمدەلدى.
اتالعان جاڭا قىزمەت تۇرىنە ترانفورماتسيا كورپوراتيۆتىك باعدارلاماسى شەگىندە ىسكە قوسىلعان www.postmarket.kz سايتى ارقىلى قول جەتكىزە الاسىز. بۇگىنگى تاڭدا ينتەرنەت جەلىسىنىڭ قولدانۋشىلارى «ينتەرنەت-جازىلىم» مەرزىمدى باسپا باسىلىمدارى كاتالوگىنان وتاندىق گازەت-جۋرنالدارمەن قاتار, تاياۋ شەتەلدەردىڭ باسىلىمدارىن تاڭداي الادى, ءارى 1600 باسىلىمعا ينتەرنەت ارقىلى جازىلىمدى رەسىمدەۋگە مۇمكىندىك اشىلىپ وتىر. ول ءۇشىن تەك قانا جوعارىدا اتالعان سايتقا تىركەلىپ, قاجەتتى مەرزىمدى باسپا باسىلىمىن تاڭداپ الىپ, قاجەتتى اقپاراتتىق ۇياشىقتاردى تولتىرىپ, تولەمدى بانكتىك كارتا ارقىلى جۇزەگە اسىراسىز.
ءوز كەزەگىندە «قازپوچتا» اق باسقارما توراعاسى باعدات مۋسين مەرزىمدى باسپا باسىلىمدارىنا جازىلىمدى رەسىمدەۋدىڭ جاڭا فورماتى كليەنتتەردىڭ كوڭىلدەرىنەن شىعاتىنىنا سەنىم ءبىلدىردى.
نۇرجان جاباەۆ,
«پوچتا سەرۆيسى» فيليالىنىڭ ديرەكتورى.