قىزىلورداعا جامبىل وبلىسىنداعى مەركى اۋدانىنىڭ وكىلدەرى كەلىپ, وڭىردە اتقارىلىپ جاتقان جۇمىس بارىسىمەن تانىستى. جامبىلدىقتارمەن جۇزدەسۋدە وبلىس اكىمى نۇرلىبەك نالىباەۆ وڭىرارالىق بايلانىستاردى ارتتىرۋعا ءاردايىم دايىن ەكەنىن ايتىپ, ءوڭىردىڭ الەۋمەتتىك-ەكونوميكالىق كورسەتكىشىنە توقتالدى.
ء«بىر اي بۇرىن وبلىسىمىزعا جامبىل وبلىسى اكىمىنىڭ ورىنباسارلارى باستاعان دەلەگاتسيا كەلگەن بولاتىن. سول ساپاردا ەكىجاقتى بايلانىستىڭ نەگىزگى ماسەلەلەرى تالقىلانعان ەدى. بۇگىن سونىڭ جالعاسى رەتىندە مەركى اۋدانىنان كەلگەن ارىپتەستەرىمىزبەن كەزدەسىپ وتىرمىز. ەكى ءوڭىر اۋىل, مال شارۋاشىلىعى, كاسىپكەرلىك پەن تۋريزم سالالارىندا ارىپتەستىك ورناتا الادى. ەگىنشىلىك, ەت ونىمدەرىن ءوندىرۋ باعىتىندا دا بىرلەسىپ جۇمىس جاساۋعا مۇمكىندىك مول. قىزىلوردا وبلىسىنىڭ بيۋدجەتى 2022 جىلى 364 ملرد تەڭگە بولسا, قازىر 823 ملرد تەڭگەدەن استى. بۇل قاراجات ايماقتاعى وزەكتى ماسەلەلەردى شەشىپ, تۇرعىنداردىڭ ءومىر ءسۇرۋ ساپاسىن جاقسارتۋعا, ءىرى ينفراقۇرىلىمدىق جوبالاردى ىسكە اسىرۋعا باعىتتالىپ وتىر. بيىل 96 جوبانىڭ قۇرىلىسىنا بيۋدجەتتەن 166 ملرد 800 ملن تەڭگە ءبولىنىپ, 2022 جىلمەن سالىستىرعاندا 8 ەسە ارتتى. وسىنىڭ ارقاسىندا قۇرىلىس جۇمىسى بويىنشا ءبىزدىڭ ءوڭىر رەسپۋبليكادا ۇزدىكتەر قاتارىندا كەلەدى», دەدى وبلىس اكىمى. سىر بويىنا ساپارمەن كەلگەن دەلەگاتسيا جەتەكشىسى, مەركى اۋدانىنىڭ اكىمى ەربول جيەنقۇلوۆ وزدەرىنە كورسەتىلگەن قۇرمەتكە ريزاشىلىق ءبىلدىرىپ, بىرلەسىپ جۇمىس اتقارۋعا دايىن ەكەنىن جەتكىزدى.
ساپار اياسىندا مەركىلىكتەرگە قالا اكىمى نۇرجان احاتوۆ وبلىس ورتالىعىنداعى بىرقاتار الەۋمەتتىك, مادەني جانە سپورتتىق نىسانداردى تانىستىردى. بيىل عانا بوي كوتەرگەن «سىر جۇلدىزدارى» يننوۆاتسيالىق-شىعارماشىلىق اكادەمياسى قوناقتاردىڭ كوڭىلىنەن شىقتى. قالاداعى كەڭ كوشەنىڭ بويىنان ورىن تەپكەن اكادەميا تاۋلىگىنە 3 مىڭ وقۋشىعا دەيىن قابىلداي الادى. مۇندا باسسەين, توپتىق جاتتىعۋ بولمەسى, كوركەم گيمناستيكا جانە فيتنەس زالى ورنالاسقان. سونداي-اق ۇستەل ويىندارىنا ارنالعان كابينەت, جەكپە-جەك, ۇستەل تەننيسى زالدارى بار.
كوركەمدىك-ەستەتيكالىق باعىتتا كەسكىندەمە, سۋرەت سالۋ, رەزين ارت بولمەسى, بالالار شىعارماشىلىعى شەبەرحاناسى, ساندىك-قولدانبالى ونەر, FabLab, دىبىس جازۋ ستۋدياسى, روبوتتەحنيكا جانە جاساندى ينتەللەكت, بيوتەحنولوگيا, 3D مودەلدەۋ, كيپ جانە اۆتوماتتاندىرۋ, كيبەرسپورت جانە ماتەماتيكا كابينەتتەرى جۇمىس ىستەيتىن ورتالىقتى بالانىڭ جان-جاقتى دامۋىنا جاسالىپ جاتقان قولداۋدىڭ ايقىن كورىنىسى دەۋگە بولادى.
جامبىلدىق قوناقتارعا پرەزيدەنت ساياباعىنداعى جاڭعىرتۋ جۇمىستارى, «وتباسى ورتالىعى», دوستىق ءۇيى عيماراتى, «قىزىلوردا ارەنا» سپورت كەشەنىنىڭ قۇرىلىسى مەن «ونەر ورتالىعى» تانىستىرىلدى. مەيماندار سىرداعى تاريحي شاھاردىڭ قازىرگى زامان كەلبەتىمەن ۇيلەسكەن بەينەسى مەن ينفراقۇرىلىمدىق جەتىستىكتەردى جوعارى باعالادى. قايتا جاڭعىرتۋدان وتكەن ورتالىق الاڭداعى جاڭا ساۋلەتتىك شەشىمدەر, جارىقتاندىرۋ جۇيەسى جانە كەڭەيتىلگەن دەمالىس ايماقتارى قوناقتار كوڭىلىنەن شىقتى.
تاۋەلسىزدىككە 25 جىل داڭعىلىن كەڭەيتۋ جۇمىستارىنا جاقسى باعا بەرگەن دەلەگاتسيا مۇشەلەرىنە 11 مىڭ ورىندىق جاڭا ستاديون قۇرىلىسىنداعى ينفراقۇرىلىمنىڭ اۋقىمدىلىعى مەن ساۋلەتتىك ۇيلەسىمى ۇنادى. مەركىلىكتەر «قان ورتالىعى» مەن فيزيكا-ماتەماتيكا باعىتىنداعى ليتسەي-ينتەرناتىن ءوڭىردىڭ ءبىلىم بەرۋ جانە دەنساۋلىق ساقتاۋ سالالارىن دامىتۋداعى جاڭا بەتبۇرىس رەتىندە باعالادى. وبلىستىق تاريحي-ولكەتانۋ مۋزەيىندەگى ءوڭىردىڭ باي تاريحى مەن مادەني مۇرالارىنان سىردىڭ بۇرىنعىسى مەن بۇگىنگىسى تۋرالى دەرەك الدى.
سىرداريا اۋدانىنا قاراستى بەسارىق اۋىلىندا جالعاسقان ساپاردا اۋدان اكىمى بەرىك سارمەنباەۆ دەلەگاتسيا مۇشەلەرىن اۋىلدىڭ الەۋمەتتىك-ەكونوميكالىق جانە مادەني نىساندارىمەن تانىستىرىپ, جۇزەگە اسقان جوبالار تۋرالى باياندادى. جامبىلدىقتار وسى ساپاردا ناعي ءىلياسوۆ اۋىلىندا دا قوناق بولدى.
اۋدانداعى بەسارىق پەن ەلىمىزدەگى ەڭ ءۇزدىڭ تۋريستىك اۋىلدار قاتارىنداعى ناعي ءىلياسوۆ اۋىلى – شاعىن وندىرىستىك الاڭدارى بار ەلدى مەكەندەر. العاشقىسىندا «اباي-داۋلەت» سەرىكتەستىگىنىڭ باستاماسىمەن فري زاۋىتى, «اۋىل اماناتى» جوباسىمەن ناۋبايحانا, كونديتەرلىك جانە جارتىلاي دايىن ءونىم تسەحتارى, جۇمىس قولعابى, ش ۇلىق, پلاستيك ىدىستار, سابىن, اعاش بۇيىمدارى وندىرىستەرى ءوز جۇمىسىن باستاعان.
ال 90-جىلدارى توزىپ, كوپ اۋىلمەن بىرگە كۇيرەۋدىڭ از-اق الدىندا قالعان ناعي ءىلياسوۆ ەلدى مەكەنىنىڭ قايتا ەڭسە تىكتەۋىنە «ابزال ي ك» سەرىكتەستىگى سەپ بولدى. قازاقستاننىڭ ەڭبەك ەرى ابزال ەراليەۆ باسقاراتىن كومپانيا كۇرىش شارۋاشىلىعىن دامىتىپ, تۇرعىنداردى جۇمىسپەن قامتىپ وتىر. مەتسەنات اۋىلداعى مادەني-الەۋمەتتىك عيماراتتاردى جاڭعىرتىپ, كەيبىرىن جاڭادان سالدى.
وزىق اۋىلداردىڭ دامۋ ۇلگىسىمەن تانىسقان قوناقتار تۇرعىنداردىڭ تابىستى باستامالارىنا ريزاشىلىق ءبىلدىردى.
قىزىلوردا