2025 جىلدىڭ II توقسانىندا بيزنەستىڭ جالپى نەسيەگە سۇرانىسى تۇراقتى قالدى. الايدا, شوب تاراپىنان بەلسەندىلىك ارتسا, ءىرى كاسىپورىندار كەرىسىنشە نەسيە الۋعا ق ۇلىقسىزدىق تانىتقان, دەپ حابارلايدى Egemen.kz.
ۇلتتىق بانك وكىلى دينارا تازەتدينوۆانىڭ ايتۋىنشا, ءىرى بيزنەستىڭ بۇل ارەكەتىنە مەملەكەتتىك قولداۋ باعدارلامالارىنىڭ شەكتەلۋى جانە نەسيەنىڭ جوعارى قۇنى نەگىزگى سەبەپ بولعان. سونىمەن قاتار, نارىقتاعى دامۋ ينستيتۋتتارى ۇسىناتىن جەڭىل شارتتار دا بانكتەرمەن باسەكەگە ءتۇسىپ وتىر. بۇل كەزەڭدە ءىرى كومپانيالاردىڭ نەسيە وتىنىمدەرى 15%-عا ازايىپ, 200-گە دەيىن قىسقارعان.
ۇلتتىق بانكتىڭ مالىمەتىنشە, بيزنەس ءۇشىن قارجىلاندىرۋ قۇنى ۇزاق مەرزىمدى ينۆەستيتسيالىق جوبالاردا شەشۋشى ءرول اتقارادى. كەيبىر ورتا بانكتەر جىل باسىنان بەرى قور جيناۋ ارقىلى ءىرى جوبالاردى قارجىلاندىرۋدى كەڭەيتۋدى كوزدەپ وتىر.
ورتا جانە شاعىن بيزنەس تاراپىنان نەسيەگە سۇرانىس ارتتى. بۇل ءۇردىس «ورلەۋ» باعدارلاماسى مەن «دامۋ» قورى ارقىلى بەرىلەتىن كەپىلدىكتەردىڭ ارقاسىندا ىسكە اسقان. اينالىم قاراجاتىنا مۇقتاج, اسىرەسە ساۋدا مەن قىزمەت كورسەتۋ سالاسىنداعى كاسىپكەرلەر, مەملەكەتتىك قولداۋ شارتتارىنىڭ قاتاڭداۋىنا بايلانىستى نارىقتىق بانكتىك ونىمدەرگە بەت بۇرعان.
كەي بانكتەر «دامۋ» قورىمەن بىرىگىپ, تەحنيكالىق دەرەكتەر الماسۋ ارنالارىن جەتىلدىرىپ جاتىر. سونىمەن قاتار, جاڭا ونىمدەردى ىلگەرىلەتۋ مەن ماركەتينگتىك ارەكەتتەر ارقىلى سۇرانىستى قولداۋ جۇمىستارى جۇرگىزىلۋدە. سونىمەن قاتار كاسىپكەرلىكتى قولداۋ ماقساتىندا نەسيە ونىمدەرىنىڭ تالاپتارىن جەڭىلدەتۋدى كوزدەپ وتىر. بۇعان كەپىل رەتىندە قابىلداناتىن م ۇلىككە قويىلاتىن اۋماقتىق شەكتەۋلەردى ازايتۋ, قارجىلىق تالداۋدى وڭايلاتۋ جانە نەسيە كولەمىنىڭ شەگىن ۇلعايتۋ سياقتى وزگەرىستەر كىرەدى.
سونىمەن قاتار, كەيبىر بانكتەر سىياقى مولشەرلەمەسىنە اسەر ەتپەيتىن كوميسسيالار مەن مارجالارعا قاتىستى تالاپتاردى قاتاڭداتقان. ال شاعىن جانە ميكروبيزنەسكە ارنالعان جاڭا ونىمدەر ازىرگە تەستىلەۋ كەزەڭىندە.