مەملەكەت باسشىسىنىڭ 2024 جىلعى جولداۋىن جانە وزگە دە تاپسىرمالارىن جۇزەگە اسىرۋ شەڭبەرىندە ۇكىمەت حالىقتى قولجەتىمدى جانە ساپالى دارىلىك زاتتارمەن قامتاماسىز ەتۋ جونىندە شارالار قابىلداپ جاتىر, دەپ جازادى Egemen.kz.
ۇكىمەتتىڭ ءباسپاسوز قىزمەتىنىڭ مالىمەتىنشە, فارماتسەۆتيكا سالاسىندا 2029 جىلعا دەيىن وتاندىق ءدارى-دارمەك ءوندىرىسى ۇلەسىن 50%-عا جەتكىزۋ جونىندەگى تاپسىرمانى ورىنداۋ بويىنشا شارالار قولعا الىنعان.
باعا قالىپتاستىرۋدىڭ اشىقتىعىن ارتتىرۋ ماقساتىندا شەكتى باعالاردى بەلگىلەۋ تەتىگى قايتا قارالىپ: ارتىق شىعىندار الىنىپ تاستالىپ, دجەنەريكتەر باعاسى 30%-عا دەيىن تومەندەتىلگەن.
رەفەرەنتتىك باعا بەلگىلەۋدىڭ جاڭا مودەلىن ەنگىزۋ ءدارى-دارمەك قۇنىن 12%-عا تومەندەتۋگە مۇمكىندىك بەرىپ, ال جالپى ەكونوميكالىق تيىمدىلىك شامامەن 50 ملرد تەڭگەنى قۇراعان.