ءىىى استانا ەكونوميكالىق فورۋمىنىڭ اياسىندا مەملەكەت باسشىسى نۇرسۇلتان نازارباەۆ بىرقاتار ەكى جاقتى كەزدەسۋلەر وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
پرەزيدەنت ن.ءا.نازارباەۆ ەۋروپالىق ينۆەستيتسيالىق بانكتىڭ پرەزيدەنتى فيليپپ مايشتادتتى قابىلدادى. كەزدەسۋ كەزىندە ەكى جاقتى ىنتىماقتاستىقتىڭ ماسەلەلەرى تالقىلاندى.
– پرەزيدەنتپەن بريۋسسەلدەگى ءبىزدىڭ كەزدەسۋىمىزدىڭ بارىسىندا مەن ەۋروپالىق ينۆەستيتسيالىق بانك قازاقستانعا كەلىپ, كاپيتال سالۋ ءۇشىن جوبالاردى ىزدەستىرە باستاۋى قاجەتتىگى تۋرالى ۇسىنىسىمدى ايتقان ەدىم. بۇگىن ءبىز مۇنداي جوبالاردىڭ ناقتى تىزبەسىن تالقىلادىق, – دەدى ف.مايشتادت.
مەملەكەت باسشىسى بۇۇ-نىڭ ونەركاسىپتىك دامۋ ءجونىندەگى باس ديرەكتورى كاندەح يۋمكەللامەن كەزدەستى. اڭگىمەلەسۋ بارىسىندا ەكى جاقتى ءوزارا ءىس-ارەكەت ماسەلەسى تالقىلاندى.
– ءسىزدىڭ ەلدىڭ ەكونوميكالىق دامۋىنىڭ ءناتيجەلەرىن كورۋ وتە تاڭداندىرادى. بۇل ەكونوميكالىق فورۋمدى قازاقستاننىڭ ۇيىمداستىرۋى وتە ماڭىزدى. ءسىزدىڭ رەسپۋبليكانى تابىستى ەكونوميكالىق ۇلگىدەگى مەملەكەت رەتىندە مىسالعا كەلتىرۋگە بولادى, – دەدى ك.يۋمكەللا.
پرەزيدەنت سونداي-اق ەكونوميكا سالاسى بويىنشا نوبەل سىيلىعىنىڭ لاۋرەاتتارى روبەرت ماندەللامەن جانە فينن كيدلاندپەن كەزدەستى. كەزدەسۋ بارىسىندا اڭگىمەلەسۋشىلەر الەمدىك جانە قازاقستاندىق ەكونوميكاداعى ءىستىڭ جاي-كۇيىن تالقىلادى.
– مەن قازاقستان جاھاندىق داعدارىسقا دەر كەزىندە ازىرلەنە الدى دەپ ەسەپتەيمىن. قازاقستان قولعا العان شارالار بارىنشا دۇرىس بولدى, – دەدى ر.ماندەللا.
الەمنىڭ كوپتەگەن وزگە ەلدەرىنە قاراعاندا قازاقستانداعى جاعداي ەداۋىر جاقسى. مەن سىزدەردىڭ داعدارىسقا قارسى باعدارلامالارىڭىزدىڭ ماڭىزدى ناتيجەسىنىڭ ءبىرى – بۇل بانك جۇيەسىن دەر كەزىندەگى وڭالتۋ دەپ سانايمىن. ول بارلىق ەكونوميكانىڭ تۇراقتىلىعىن قامتاماسىز ەتتى, – دەپ اتاپ ءوتتى ف.كيدلاند.