سۋ رەسۋرستارى جانە يرريگاتسيا مينيسترلىگى قۇرىلعاننان باستاپ مەملەكەت باسشىسىنىڭ تاپسىرماسى شەڭبەرىندە 10 وبلىستا كوممۋنالدىق گيدروتەحنيكالىق قۇرىلىسجايلاردى پايدالانۋ جانە باسقارۋ جونىندەگى مامانداندىرىلعان مەكەمەلەر قۇرىلعان. بۇگىندە ولاردىڭ بالانسىنا 872 نىسان قابىلداندى, 283 ارنايى تەحنيكا بەرىلدى, 1 197 مامان جۇمىسقا ورنالاستىرىلدى, دەپ حابارلايدى Egemen.kz اتالعان مينيسترلىكتىڭ مالىمەتىنە سىلتەمە جاساپ.
مامانداندىرىلعان مەكەمەلەردىڭ نەگىزگى مىندەتى – گيدروتەحنيكالىق قۇرىلىسجايلاردىڭ قاۋىپسىز جۇمىس ىستەۋىن قامتاماسىز ەتىپ, نىسانداردى جاقسى جاعدايدا ۇستاۋ جانە جوندەۋ جۇمىستارىن ۋاقىتىلى جۇرگىزۋ.
«مۇنداي مەكەمەلەر اقمولا, اقتوبە, اتىراۋ, باتىس قازاقستان, سولتۇستىك قازاقستان, قوستاناي, قىزىلوردا, پاۆلودار, اباي, جەتىسۋ وبلىستارىندا اشىلدى. وسىلايشا ەلىمىزدە كوممۋنالدىق گيدروتەحنيكالىق قۇرىلىسجايلاردى پايدالانۋ جانە باسقارۋ جونىندەگى مامانداندىرىلعان مەكەمەلەردىڭ جالپى سانى 16-عا جەتتى», دەدى سالا ءمينيسترى نۇرجان نۇرجىگىتوۆ.
سونداي-اق مينيسترلىكتىڭ باستاماسىمەن وبلىس اكىمدىكتەرى 2025-2027 جىلدارعا ارنالعان مامانداندىرىلعان مەكەمەلەردىڭ بالانسىنا كوممۋنالدىق گيدروتەحنيكالىق قۇرىلىسجايلاردى قابىلداۋ بويىنشا جول كارتالارىن ازىرلەدى.