مەملەكەت باسشىسىنىڭ ستۋدەنتتەردى باسپانامەن قامتۋ جونىندەگى تاپسىرماسىن جۇزەگە اسىرۋ شەڭبەرىندە بيىل 10 439 ورىندىق 29 جاتاقحانانى (جوو ستۋدەنتتەرىنە 8 325 ورىندىق 20 جاتاقحانا, كوللەدج ستۋدەنتتەرىنە 2 114 ورىندىق 9 جاتاقحانا) ىسكە قوسۋ جوسپارلانعان. بۇل تۋرالى ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ءمالىم قىلدى, دەپ حابارلايدى Egemen.kz.
بۇگىندە 4 جاتاقحانا پايدالانۋعا بەرىلدى. ولار – استانادا 2 876 ورىندىق 2 جاتاقحانا جانە تۇركىستان قالاسىندا 652 ورىندىق 2 جاتاقحانا.
وقۋ جىلىنىڭ باسىنا دەيىن 4 228 ورىندىق 19 جاتاقحانا اشىلادى دەپ كۇتىلىپ وتىر. ولار – استانا, الماتى, شىمكەنت قالالارى, اباي, الماتى, اقمولا, قوستاناي, الماتى, جامبىل, تۇركىستان وبلىستارى.
ودان بولەك, 2025 جىلدىڭ سوڭىنا دەيىن 2 683 ورىندىق 6 جاتاقحانا ىسكە قوسىلماق. ونىڭ ىشىندە 5 جاتاقحانا الماتى قالاسىندا جانە 1 جاتاقحانا استانا قالاسىندا.