وسكەمەن. 17 اقپان. اعىمداعى جىلدىڭ 20 ناۋرىزىنان باستاپ «BEK AIR» اۋە كومپانياسى «وسكەمەن-ءۇرىمجى» باعىتى بويىنشا چارتەرلىك اۋە تاسىمالىن جۇزەگە اسىرا باستايدى. بۇل تۋرالى egemen.kz ءتىلشىسى حابارلادى.
شىعىس قازاقستان وبلىسىنىڭ جولاۋشىلار تاسىمالى جانە اۆتوكولىك جولدارى باسقارماسىنىڭ مالىمەتى بويىنشا, اۋە باعىتىنىڭ جيىلىگى اپتاسىنا ءبىر رەت بولماق. ياعني جۇما كۇنى بارۋ-قايتۋ باعىتى ورىندالادى. وسكەمەننەن ۇشۋ ۋاقىتى – ساعات 9.30-دا بولسا, ۇرىمجىگە قونۋ ۋاقىتى – ء(ۇرىمجى ۋاقىتىمەن) ساعات 12.55-تە. ال ۇرىمجىدەن ۇشۋ – ء(ۇرىمجى ۋاقىتىمەن) ساعات 14.55-تە, وسكەمەنگە قونۋ – (استانا ۋاقىتىمەن) – 14.25-تە.
ءبىر باعىتقا قاراي ەكونوم-كلاسس بيلەتى 40 مىڭ تەڭگە, بيزنەس-كلاسس – 55 مىڭ تەڭگە تۇرادى. ال بارۋ-قايتۋ باعىتتارىنىڭ بيلەتى 14 كۇن جانە ودان دا بۇرىن ساتىپ العان جاعدايدا ەكونوم-كلاسس – 69 مىڭ تەڭگەگە, بيزنەس-كلاسس – 84 مىڭ تەڭگەگە اينالادى. ال ۇشۋعا دەيىنگى 14 كۇن ىشىندە ساتىپ الاتىن بيلەت قۇنى 79 مىڭنان 94 مىڭ تەڭگەگە دەيىن تۇرادى.
اۋە تاسىمالى 85 ورىندىق «Fokker 100» اۋە كەمەسى ارقىلى ورىندالادى. سونداي-اق قحر اۋماعى بويىنشا اۋە تاسىمالدارىمەن توعىستىرۋ قاراستىرىلعان.
دۋمان اناش.
دەرەك: egemen.kz.
Cۋرەت: altaynews.kz.