كوكشەتاۋ. 17 اقپان. اقمولا وبلىسى جاقسى اۋدانىنداعى «ۋروجاي» جشس-ءنىڭ ديىرمەن كەشەنى مەملەكەتتىك ءۇيدب اياسىندا جاڭا تۇرىك قوندىرعىلارىمەن جابدىقتالعان. بۇل تۋرالى egemen.kz ءتىلشىسى حابارلادى.
ناۋبايحانا تاۋلىگىنە 3 توننا-توقاش دايىنداپ, اۋدانىنىڭ بارلىق تۇرعىندارىن ساپالى نانمەن قامتاماسىز ەتۋدە. ناننىڭ قۇنى 37 تەڭگەنى قۇرايدى. كەشەن 300 ادامدى جۇمىسپەن قامتاماسىز ەتىپ وتىر.
«ۋروجاي» جشس ديىرمەندەرى تاۋلىگىنە 520 توننا استىقتى وڭدەيدى. ەلەۆاتورعا نەگىزىنەن جۇمساق جانە قاتتى سۇرىپتى بيداي, ارپا, س ۇلى ءداندى داقىلدارى كەلىپ تۇسۋدە. جوعارى, ءبىرىنشى جانە ەكىنشى سۇرىپتاعى دايىن ءونىم 50 جانە 25 كەلى ولشەممەن قاپتالادى.
سەرىكتەستىك باسشىلارىنىڭ ايتۋىنشا, ايىنا 70 ۆاگوننان استام جوعارى سۇرىپتى ۇن ەلىمىزدىڭ وڭتۇستىك ايماقتارىنا جىبەرىلەدى. سونداي-اق جاقسى ۇنى الىس جانە جاقىن شەت ەلدەرگە, اتاپ ايقاندا رەسەيگە, يرانعا, اۋعانستانعا ەكسپورتتالۋدا.
بىلتىر مۇندا جەكە قور ەسەبىنەن ونىمدىلىگى ساعاتىنا 10 توننا سۋسىمالى جانە تۇيىرشىكتەلگەن مال ازىعىن دايىندايتىن قۇراما جەم زاۋىتى قولدانىسقا ەنگىزىلدى.
باقبەرگەن امالبەك.
دەرەك, سۋرەت: egemen.kz.