وبلىستىق ولكەتانۋ مۋزەيىندە “قايتالانباس تۇتاستىق” اتتى بايقاۋ-كورمە ۇيىمداستىرىلدى. بۇل شارا كورمە عانا ەمەس, جارىسقا نەگىزدەلۋىمەن دە كورەرمەنگە قىزىقتى بولدى. وعان وبلىس اۋدان, قالالارىنان توعىز مۋزەي قاتىستى. وبلىستىق تاريحي-ءولكەتانۋ مۋزەيى مەن وبلىستىق ءمادەنيەت باسقارماسى وسىنداي شارالار ارقىلى مۇراجايلارداعى قورلاردىڭ مۇمكىندىگىن تولىق اشا وتىرىپ, بۇگىنگى كورەرمەن ساناسىندا حالقىمىزدىڭ, ولكەنىڭ تاريحىن جاڭعىرتۋدى باستى ماقسات تۇتىپتى. بايقاۋعا قاتىسقان مۋزەيلەر ءتۇرلى تاقىرىپتا جوبالار ۇيىمداستىردى. قازىلار القاسى ولاردى “ەڭ كونە بۇيىم”, “جيىندىقتاردىڭ الۋان تۇرلىلىگى”, “جيىنتىق ءتۇيىنى”, ء“بىلىم بەرەتىن مۇراجايلىق يننوۆاتسيالىق باعدارلامالار” سياقتى بىرنەشە اتالىم ارقىلى تارازىلادى.
مىسالى, ارقالىق قالاسىنداعى دالا تاريحىنىڭ مۋزەيى بايقاۋعا جالعىز ءساۋكەلەمەن عانا قاتىستى. جانگەلدين اۋداندىق تاريحي-ولكەتانۋ مۋزەيى مىرجاقىپ دۋلاتوۆتىڭ ءومىربايانىنا قاتىستى 105 فوتوسۋرەتتىڭ 35-ءىن وسى بايقاۋ-كورمەگە ۇسىندى. رۋدنىي قالالىق مۋزەيى “نيل سورسكي. جادىگەر نە تۋرالى سىر شەرتەدى؟” جوباسىن “ەڭ كونە بۇيىم نوميناتسياسىنا ىڭعايلاپتى.
– مۋزەيلەردە مىڭداعان ءجادىگەرلەر ساقتاۋلى. ال ولاردى تەك قوردا ساقتاپ عانا قويماي, كورەرمەنگە ءمۇمكىندىگىنشە ۇسىنىپ, ولارعا كورسەتىپ وتىرۋ كەرەك. جاسىراتىنى جوق, قازىر بۇل مادەنيەت وشاقتارىنا ادامدار ءجيى باس سۇعا بەرمەيدى. جادىگەرلەر – تۋعان ولكە مەن حالقىمىز تاريحىنىڭ كۋاگەرلەرى. وتكەندى بىلمەي ءبىز جاستار بويىنا پاتريوتيزم سەزىمىن دە قالىپتاستىرا المايمىز. سوندىقتان ۋاقىت ساباقتاستىعىن قامتاماسىز ەتەتىن مۋزەيگە كورەرمەن تارتۋ ءۇشىن ءبىز ۇنەمى ىزدەنىس ۇستىندەمىز. بۇل شارا دا سول ىزدەنىستەن تۋعان جۇمىستاردىڭ ءبىرى عانا,–دەيدى وبلىستىق-تاريحي ولكەتانۋ مۋزەيى ديرەكتورىنىڭ ورىنباسارى گالينا ساتالكينا.
كورمە-بايقاۋعا كوپشىلىكتى جيناي بىلگەن مۋزەي قىزمەتكەرلەرىنىڭ ەڭبەگى دە ايتۋعا تۇرارلىق. قازىلار القاسى مۋزەيلەردىڭ تانىمدىق-تاريحي جوبالارىن قاراي كەلە, ءبىرىنشى ورىندى ارقالىق قالاسىنداعى دالا تاريحى مۋزەيىنە بەردى. ەكىنشى ورىندى ءالتىنساريننىڭ مەموريالدىق مۋزەيى, ءۇشىنشى جۇلدەنى جانگەلدين اۋدانىنداعى مۋزەيلەر كەشەنى يەلەندى.
ءنازيرا جارىمبەتوۆا.
قوستاناي.