استانا. 20 ناۋرىز. بۇرناعى كۇنى ليۆاننىڭ استاناسى – بەيرۋت شاھارىندا جەرگىلىكتى ارميان دياسپوراسى مەن تۇرىك ەلشىلىگى قىزمەتكەرلەرى اراسىندا قىم-قيعاش توبەلەس ورىن الدى. بۇل تۋرالى اراب باق-تارى حابارلادى.
جانجالعا تۇرىك ارمياسىنىڭ چاناككالەنى الۋ كەزىندەگى جەڭىسىنە ارنالعان «سوڭعى حات» دەگەن ءفيلمنىڭ جۇرۋىنە ءبىر توپ ارمياننىڭ كەدەرگى كەلتىرۋلەرى سەبەپ بولعان. مۇندا «داشناكتسۋتيۋن» پارتياسىنىڭ بەلسەندىلەرى مەن ارميان ستۋدەنتتىك وداعىنىڭ مۇشەلەرى كينوتەاتردى قورشاپ الىپ, تۇرىكتەردى قورلايتىن سوزدەر ايتىپ تۇرىپ العان.
ناتيجەسىندە تۇركيانىڭ ليۆانداعى ەلشىلىگىنىڭ قىزمەتكەرلەرى مەن ارميان بەلسەندىلەرى اراسىندا توبەلەس بۇرق ەتە قالعان. اراب ءتىلدى باسىلىمدار قاقتىعىستىڭ سالدارىنان ەكى ارمياننىڭ جاراقات الىپ, ەكى تۇرىكتىڭ قامالعانى ايتىلادى.
مۇرات ايتقوجا.