قىزىلوردا پوليتسەيلەرى «تازا قازاقستان» رەسپۋبليكالىق ەكولوگيالىق اكتسياسى اياسىندا 7700-دەن استام اكىمشىلىك قۇقىق بۇزۋشىلىقتى انىقتاپ, كىنالى تۇلعالاردى جاۋاپكەرشىلىككە تارتتى, دەپ جازادى Egemen.kz.
اباتتاندىرۋ قاعيدالارىن بۇزعان 4641 دەرەك, ال ورتاق پايدالانىلاتىن ورىنداردى لاستاۋ بويىنشا 3115 قۇقىق بۇزۋشىلىق تىركەلىپ, 60 ميلليون تەڭگەدەن استام ايىپپۇل سالىندى.
ءىس-شارا بارىسىندا 23 ءموبيلدى توپ قۇرىلىپ, 4378 رەيد جۇرگىزىلدى. ناتيجەسىندە وبلىس كولەمىندە 504 زاڭسىز قوقىس تاستاۋ ورنى انىقتالىپتى. كوپقاباتتى ۇيلەر اۋلاسىنداعى, سونداي-اق قالا ماڭىنداعى كەيبىر اۋدانداردا بەي-بەرەكەت تاستالعان قوقىستار ەكولوگيالىق جاعدايعا كەرى اسەرىن تيگىزىپ وتىر.
پوليتسەيلەر الەۋمەتتىك جەلىلەردەگى وسى ماسەلەنى كوتەرگەن جاريالانىمداردى باقىلاپ, ءوز قۇزىرەتى اياسىندا ءتيىستى شارالار قابىلدايدى.