اتىراۋ وبلىسىندا 2025 جىلدىڭ باسىنان بەرى 8 ادام سۋعا كەتىپ, مەرت بولعان بۇل تۋرالى وبلىستىق توتەنشە جاعدايلار دەپارتامەنتى حابارلادى. قايعىلى جاعدايلاردىڭ ۇشەۋى – بالالارعا قاتىستى, دەپ حابارلايدى Egemen.kz.
تجد مالىمەتىنشە, ماۋسىم-شىلدە ايلارىندا اپتاپ ىستىققا بايلانىستى سۋعا شومىلۋ جيىلەپ, 5 ادام قازا تاپقان.
«جاز مەزگىلىندە قاۋىپسىزدىك ەرەجەلەرىن ساقتاماۋ سالدارىنان 5 ادام سۋعا باتىپ كەتتى. ونىڭ ىشىندە 3 بالا بار. جايىق وزەنى بويىندا جانە باسقا دا سۋ ايدىندارىندا قاۋىپسىزدىكتى قامتاماسىز ەتۋ ماقساتىندا كۇندەلىكتى رەيدتەر جالعاسىپ جاتىر», دەدى تجد توتەنشە جاعدايلاردى جويۋ باسقارماسىنىڭ باستىعى, ازاماتتىق قورعاۋ مايورى جانتورە دەمەشوۆ.
ساۋىردە قۇتقارۋشىلار ەكى ەرەسەك ادامدى, ال مامىردا ءبىر بالانى سۋدان امان الىپ قالعان.
ايتا كەتەيىك, 2025 جىلدىڭ ماۋسىم-شىلدەسىندە جۇرگىزىلگەن پروفيلاكتيكالىق رەيدتەر بارىسىندا قر اقبتك 412-بابىنا سايكەس 83 ادامعا اكىمشىلىك حاتتاما تولتىرىلعان.
ەستەرىڭىزگە سالا كەتەيىك, 2024 جىلى وڭىردە 9 ادام سۋعا كەتىپ قازا تاپقان, ولاردىڭ تورتەۋى – بالا. اتىراۋ وبلىسىنىڭ تجد تۇرعىنداردى ءوز قاۋىپسىزدىگىنە مۇقيات بولۋعا جانە سۋداعى قاۋىپسىزدىك ەرەجەلەرىن قاتاڭ ۇستانۋعا شاقىرادى.