رەسەيلىك «VisionLabs» كومپانياسى مەترودا ادامنىڭ بەت-بەينەسى ارقىلى تولەم جاسايتىن جۇيە ەنگىزدى. جۇيە ماسكەۋ, الماتى, تاشكەنت مەترولارىندا ورناتىلعان. قازىرگە دەيىن بۇل تەحنولوگيا مەترو ستانسالارۆنىڭ 75 پايىزىنا ەنگىزىلدى, الداعى ۋاقىتتا بارلىق ستانسادا ىسكە قوسىلماق.
كومپانيا 2024 جىلى FacePay جۇيەسىنەن 500 ميلليون تەڭگەگە جۋىق تابىس تاپقان. كومپانيا الداعى ءۇش جىلدا جالپى تابىسىن 2,5 ەسەگە ارتتىرۋدى جوسپارلاپ وتىر. قازىر VisionLabs-تىڭ ەڭ بەلسەندى تۇتىنۋشىلارى وزبەكستان, قازاقستان, قىرعىزستان, سونداي-اق افريكا, وڭتۇستىك-شىعىس ازيا مەن لاتىن امەريكاسى ەلدەرىندە.
بەتپەن تولەۋ – بۇل كومپانيا بيزنەسىنىڭ ءبىر بولىگى عانا. ولاردىڭ نەگىزگى باعىتتارىنىڭ ءبىرى – بانكتىك بيومەتريا. بۇل دەگەنىمىز – ادامدى قۇجاتسىز تانۋ, بانكوماتقا كارتاسىز كىرۋ نەمەسە بانك بولىمشەسىنە كەلگەن كليەنتتى اۆتوماتتى تۇردە تانۋ. ەكىنشى ۇلكەن سالا – ۇلتتىق ID جۇيەلەرى. مۇنداي جۇيەلەر مەملەكەتتىك قىزمەتتەر الۋ كەزىندە ادامنىڭ جەكە باسىن راستايدى. ءۇشىنشى باعىت – قاۋىپسىزدىككە ارنالعان قىلمىسكەرلەردى انىقتاۋ, اقىلدى قالالاردا ادامنىڭ ارەكەتىن تالداۋ سياقتى شەشىمدەر.