سينگاپۋردە ءوتىپ جاتقان World Aquatics كونگرەسىندە Silk Road-2026 جۇزۋدەن الەم كۋبوگىنىڭ كەزەڭدەرى وتەتىن قالالار جاريالاندى. قازاقستان العاش رەت وسى تىزىمنەن تابىلدى, دەپ جازادى Egemen.kz.
ۇلتتىق وليمپيادا كوميتەتىنىڭ مالىمەتىنشە, بەدەلدى تۋرنيرگە وليمپيادا ويىندارىنىڭ, الەم چەمپيوناتتارىنىڭ جەڭىمپازدارى مەن جۇلدەگەرلەرى, سونداي-اق الەم رەكوردشىلارى قاتىسادى دەپ جوسپارلانىپ وتىر.
الەم كۋبوگىنىڭ ءبىرىنشى كەزەڭى ازەربايجان استاناسى باكۋدە وتەدى. ودان كەيىن جارىس وزبەكستاننىڭ تاشكەنت قالاسىندا جالعاسادى. ءۇشىنشى كەزەڭ استانادا تۇيىندەلەدى.
الەم كۋبوگىنىڭ كەزەڭدەرى وتەتىن ناقتى ۋاقىت الداعى ۋاقىتتا جاريالانادى.