بيىلعى سۋارۋ كەزەڭى باستالعالى اۋىل شارۋاشىلىعى قاجەتتىلىگىنە جىبەرىلگەن 8 ملرد تەكشە مەتردەن استام سۋدىڭ شامامەن 7,7 ملرد تەكشە مەترى 5 وڭىرگە, ناقتى اتاعاندا قىزىلوردا,تۇركىستان, جەتىسۋ, جامبىل, الماتى وبلىستارىنا تيەسىلى, دەپ جازادى Egemen.kz.
قىزىلوردا وبلىسىندا «قازسۋشاردىڭ» جەرگىلىكتى فيليالى ديقاندارمەن سۋ بەرۋ بويىنشا 1 015 كەلىسىمشارت جاساسقان. بۇگىندە وبلىستا 126,6 مىڭ گەكتار جەر سۋارىلىپ, جالپى سۋ جىبەرۋ كولەمى 2,766 ملرد تەكشە مەتردى قۇراپ وتىر.
تۇركىستان وبلىسىندا سۋ پايدالانۋ كولەمى – 3,01 ملرد تەكشە مەتر, ال سۋارىلعان القاپتاردىڭ اۋدانى – 367,9 مىڭ گا. «قازسۋشاردىڭ» جەرگىلىكتى فيليالى شارۋالارمەن سۋ بەرۋ بويىنشا 9 608 شارت جاساسقان. ەگىس القاپتارىن قوسىمشا سۋ كولەمىمەن قامتاماسىز ەتۋ ءۇشىن ساۋران اۋدانىندا 72 تىك درەناجدى ۇڭعىما پايدالانۋعا بەرىلسە, ورداباسى اۋدانىندا 17 تىك درەناجدى ۇڭعىما جوندەلگەن.
جەتىسۋ وبلىسىندا بۇگىندە سۋ بەرۋگە 7 492 شارت جاسالعان. وڭىردەگى جالپى سۋ الۋ كولەمى شامامەن 673 ملن تەكشە مەتر, ۆەگەتاتسيا كەزەڭى باستالعالى بەرى 103,8 مىڭ گا جەر سۋارىلعان. سونىمەن قاتار 17 مىڭ گەكتارعا ىلعالداندىرۋ جۇمىسى جۇرگىزىلدى.
جامبىل وبلىسىندا سۋ الۋ كولەمى – 588,6 ملن تەكشە مەتر, سۋارىلعان ەگىستىك كولەمى – 66,6 مىڭ گەكتار, سۋ بەرۋ بويىنشا 3 872 كەلىسىمشارت جاسالعان.
الماتى وبلىسىندا ناقتى سۋ الۋ 631,4 ملن تەكشە مەتر. ۆەگەتاتسيا كەزەڭى باستالعاننان بەرى وڭىردە 128,4 مىڭ گا جەر سۋارىلعان. كاسىپورىن سۋ بەرۋ بويىنشا 2 740 كەلىسىمشارت جاساسقان.
ەگىس القاپتارىنا سۋدى تيىمدىرەك جەتكىزۋ ءۇشىن ەلىمىزدىڭ بارلىق وبلىسىنداعى «قازسۋشار» فيليالدارى تاراپىنان 780 كم يرريگاتسيالىق كانالعا مەحانيكالىق تازارتۋ جۇرگىزىلگەن. سونداي-اق 78 گيدروتەحنيكالىق نىسان جوندەلگەن.