قازاقستاندىق ءانشى ديماش قۇدايبەرگەن نيۋ-يورك قالاسىندا جەكە كونتسەرت بەرەدى. اۋقىمدى مۋزىكالىق شوۋ 2025 جىلعى 5 قازاندا الەمگە ايگىلى Madison Square Garden كەشەنىندە وتەدى, دەپ حابارلايدى Egemen.kz.
اقش-تاعى كونتسەرت جايلى اقپاراتتى ءانشىنىڭ ءوزى Instagram پاراقشاسىندا جاريالادى.
نيۋ-يوركتە ديماش قۇدايبەرگەن ءوزىنىڭ دۇنيەجۇزىلىك گاسترولدىك تۋرىنىڭ اياسىندا دايىندالعان «Stranger» اتتى ارنايى باعدارلاماسىن ۇسىنادى.
ايتا كەتەيىك, Madison Square Garden ساحناسىندا وسىعان دەيىن ەلۆيس پرەسلي, مايكل دجەكسون, مادوننا, ەلتون دجون, دجاستين تيمبەرلەيك, بەيونسە, تەيلور سۆيفت, لەدي گاگا, The Rolling Stones سىندى الەمدىك جۇلدىزدار ونەر كورسەتكەن.