پەتروپاۆل. 17 اقپان. پەتروپاۆلدا ءىرى دۇكەن يەلەرى قازاقستاندىق تاۋارلاردى ساۋدالاۋعا بەلسەنە كىرىستى. بۇل تۋرالى egemen.kz ءتىلشىسى حابارلادى.
ۇكىمەتتىڭ كەڭەيتىلگەن وتىرىسىندا مەملەكەت باسشىسى وتاندىق ءونىم وندىرۋشىلەردى قولداۋ تۋرالى تاپسىرماسىنا ايرىقشا قولداۋ كورسەتىلىپ, سۋپەرماركەت, گيپەرماركەت سورەلەرىنە جەرگىلىكتى ازىق-ت ۇلىك ونىمدەرى كوپتەپ قويىلا باستادى. باعالارى قولجەتىمدى. تۇتىنۋشىلار ريزا. ۇسىنىلعان ونىمدەر اراسىندا ايماقتا شىعارىلاتىن سۇيىق ماي, جۇمىرتقا, ءسۇت, شۇجىق, تاعى باسقالارى بار. «قازاقستاندا شىعارىلعان» دەگەن اتپەن ارنايى سورەلەر جاساقتالىپ, ماكارون مەن نان-توقاش ونىمدەرىنىڭ ونداعان تۇرلەرى قويىلعان.
بۇل باستاماعا وزگە دە ساۋدا ورىندارىنىڭ يەلەرى قىزۋ ءۇن قوسىپ, تاۋار باعاسىنا 5-10 پايىز عانا ۇستەمە قوسۋدى نيەت ەتىپ وتىر. ولاردىڭ ايتۋىنشا, وتاندىق كاسىپكەرلەرمەن جۇمىس ىستەۋ وتە ىڭعايلى. سەبەبى تاۋاردىڭ ساپاسى كۇمان تۋدىرمايدى. جەرگىلىكتى تاۋار وندىرۋشىلەردى قولداۋدىڭ تاعى ءبىر ءتاسىلى رەتىندە ءىرى ساۋدا ورتالىقتارىندا تاماقتىڭ ءدامىن تاتۋ شارالارى دا ۇيىمداستىرىلا باستادى.
تاماق ازىرلەيتىن كاسىپورىندار دۇكەندەرگە كەلىپ, وزدەرىنىڭ جاڭا ونىمدەرىن تانىستىرادى. ادامدار ونىڭ ءدامىن تاتىپ, سول جەردە پىكىر بىلدىرۋگە مۇمكىندىك الادى. وسىنداي جۇيەلى جۇرگىزىلگەن جۇمىستاردىڭ ارقاسىندا تۇتىنۋشىلاردىڭ وتاندىق تاۋار وندىرۋشىلەرگە دەگەن سەنىمى نىعايىپ كەلەدى, دەيدى سۋپەرماركەت جۇيەسىنىڭ كوممەرتسيالىق ديرەكتورى ەلەنا ماتۆيەنكو.
ءومىر ەسقالي.
دەرەك: egemen.kz.
سۋرەت: «استانا» تەلەارناسى.