كوپشىلىككە بەلگىلى «Disney» مەن «Pixar» مۋلتفيلمدەرىندە كوزگە كورىنەر-كورىنبەس قۇپيا بەلگىلەر, ءتۇرلى سيمۆولدار ءجيى كەزدەسىپ جاتادى. ماسەلەن, «A113» دەگەن تاڭبالى كومبيناتسيا.
وسى ءبىر بەلگى ءتۇرلى مۋلتفيلمدە كولىك ءنومىرى, ەسىك جازۋى نەمەسە ەلەكتروندىق كود رەتىندە كورىنىپ وتىرادى. بۇل جاي عانا كەزدەيسوقتىق پا الدە ونىڭ ار جاعىندا ءبىز بىلمەيتىن قۇپيا سىر بار ما؟
شىن مانىندە, «A113» – كاليفورنيا ونەر ينستيتۋتىنداعى اۋديتوريا ءنومىرى. ءدال وسى بولمەدە انيماتسيا سالاسىنداعى بولاشاق جۇلدىزدار – Pixar, Disney, Warner Bros جانە باسقا دا ايگىلى ستۋديالاردىڭ سۋرەتشىلەرى مەن رەجيسسەرلەرى ءبىلىم العان. سوندىقتان بۇل ءنومىر – مۋلتفيلم مايتالماندارىنىڭ شاكىرتتىك كەزىن ەسكە تۇسىرەتىن ءوزارا ەستەلىگى, جاسىرىن سىلتەمەسى ءارى ونەر مەكتەبىنە دەگەن قۇرمەتى.