پەتروپاۆل. 17 اقپان. سولتۇستىك قازاقستان وبلىسىندا «ك-700» تراكتورىنىڭ جۇرگىزۋشىسى مامليۋت قالاسىنىڭ شەتىندەگى كوپىردەن ءوتۋ كەزىندە رولگە يە بولا الماۋ سالدارىنان جاقتاۋعا سوعىلىپ, الدىڭعى بولىگى وتكەلگە «اسىلىپ قالعان». بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى.
تراكتوردىڭ كوپىر استىنداعى «وڭتۇستىك-ۋرال» تەمىرجولىنا قۇلاۋ قاۋپى تۋىنداپ, وقىس وقيعانىڭ الدىن الۋ ءۇشىن كۇشتىك قۇرىلىمدار جەدەل جۇمىلدىرىلدى. قاۋىپتى ايماق قورشالىپ, پويىز قوزعالىسى ۋاقىتشا توقتاتىلدى. ءجىتى قيمىلدىڭ ارقاسىندا الىپ كولىك قاۋىپسىز جەرگە شىعارىلدى. جاپا شەككەندەر جوق.
ال تراكتوردى تاستاي قاشقان جۇرگىزۋشىنىڭ قايدا كەتكەنى بەلگىسىز.
وسى كۇنى وبلىس ورتالىعىندا تاعى ءبىر وقىس وقيعا ورىن الدى. ءورت ءسوندىرۋشى-قۇتقارۋشىلار 15 مەترلىك بيىكتىككە وزدىگىنەن كوتەرىلگەنىمەن, تومەن تۇسۋگە شاماسى جەتپەگەن 32 جاستاعى ازاماتتى اۆتوساتىمەن تۇسىرۋلەرىنە تۋرا كەلدى.
ءومىر ەسقالي.
دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتتىڭ
ءباسپاسوز قىزمەتى.
سۋرەت: «قازاقپارات».