جەتىسۋ وبلىسىنداعى بالقاش كولى ماڭىندا سانيتارلىق تازالىق تۇراقتى جۇرگىزىلىپ كەلەدى. جاعالاۋدان جۇمىس كۇندەرى 2 تونناعا دەيىن, دەمالىس كۇندەرى 4 تونناعا دەيىن قوقىس شىعارىلادى. بۇل جۇمىسقا ارنايى تەحنيكا مەن 10 ادامنان تۇراتىن توپ تارتىلعان, دەپ جازادى Egemen.kz.
كولگە كەلۋشىلەر سانى ارتقانىنا بايلانىستى قاۋىپسىزدىك شارالارى دا كۇشەيتىلۋدە. لەپسى اۋىلىندا 4 جىلدامدىق ولشەگىش قۇرىلعى مەن 4 بەينەباقىلاۋ كامەراسى ورناتىلىپ, جول قوزعالىسىنىڭ ءتارتىبى باقىلاۋعا الىندى.
دەمالۋشىلار جاعالاۋداعى وزگەرىستەرگە وڭ باعا بەرىپ وتىر. جولدىڭ جاڭارتىلۋى مەن تازالىقتىڭ ساقتالۋى – تۇرعىنداردىڭ ءجيى كەلۋىنە سەبەپ بولىپ وتىر.
بۇگىندە كول جاعالاۋىندا ينفراقۇرىلىم تارتىلىپ جاتىر. قازىردىڭ وزىندە 52 مىڭ ادام دەمالسا, بولاشاقتا بۇل كورسەتكىش 450 مىڭعا دەيىن جەتەدى دەگەن بولجام بار.