وقۋلىق جازۋ – ويىنشىق ەمەس

وقۋلىقتا ورىس تىلىندەگى بىرقاتار ءسوز رەسمي بەكىتىلگەن تەرمينى بولسا دا,  قازاق تىلىنە جاداعاي اۋدارىلىپ, كەيبىرى ءباز قالپىندا قالدىرىلعان. 

ء«تىل مارتەبەسىنە نۇقسان كەلتىرىپ, ونى ۇيرەنگىسى كەلگەن ورتانىڭ ىقىلاسىن بۇزاتىن مۇنداي وقۋلىقتاردىڭ تارالۋىن شەكتەۋ – ءتىل جاناشىرلارىنىڭ ورتاق مىندەتى. قازاق ءتىلىن ۇيرەتۋ – ءتىل ارقىلى قازاق مادەنيەتى مەن رۋحانياتىنا قۇرمەت قالىپتاستىراتىن اسا جاۋاپتى مىندەت. سوندىقتان ءتىل ۇيرەتۋشى قۇرال دا سول بيىك جاۋاپكەرشىلىككە ساي بولۋى قاجەت», دەپ جازىلعان «قازاق ءتىلى» قوعامىنىڭ حابارلاماسىندا.

سونىمەن قاتار قازاق ءتىلىن ۇيرەنۋشى ورتاعا ەسكەرتۋ جاسالدى. ەڭ اۋەلى اۆتوردىڭ كىم ەكەنىنە, ونىڭ عىلىمي دارەجەسىنە نازار اۋدارعان ءجون دەيدى ماماندار. كەلەسى وقۋ قۇرالىنىڭ قاي باسپادان شىعىپ, قانداي ۇيىممەن ماقۇلدانعانىن تەكسەرگەن قۇپ بولاتىنىن جەتكىزەدى «قازاق ءتىلى» قوعامى.