قازاقستاندىق ءانشى ديماش قۇدايبەرگەنگە «قىرعىز رەسپۋبليكاسىنىڭ حالىق ءارتىسى» قۇرمەتتى اتاعى بەرىلدى. ءتيىستى جارلىققا قىرعىزستان پرەزيدەنتى سادىر جاپاروۆ قول قويدى, دەپ حابارلايدى Egemen.kz.
سالتاناتتى ماراپاتتاۋ ءراسىمى «مەيكين ازيا» حالىقارالىق مۋزىكا فەستيۆالىنىڭ جابىلۋىندا ءوتتى.
«فەستيۆالدىڭ اياعىندا مەملەكەتتىك حاتشى مارات يمانقۇلوۆ قىرعىزستان مەن قازاقستان رەسپۋبليكالارى اراسىندا دوستىق پەن مادەني بايلانىستى نىعايتۋعا ۇلەس قوسقانى ءۇشىن قازاقستاندىق ءانشى, كومپوزيتور دىنمۇحاممەد قۇدايبەرگەنگە (ديماش قۇدايبەرگەنگە) «قىرعىزستاننىڭ حالىق ءارتىسى» اتاعىن تاپسىردى. پرەزيدەنت سادىر جاپاروۆ ءتيىستى جارلىققا قول قويدى», دەپ جازىلعان رەسمي حابارلامادا.
ەستەرىڭىزگە سالا كەتەيىك, 2023 جىلى قازاندا ديماش قۇدايبەرگەن قازاقستاننىڭ حالىق ءارتىسى اتاعىن العان ەدى.