جەتىسۋ وبلىسىندا بيىل 2,2 ملن توننا جەم-ءشوپ دايىنداۋ جوسپارلانىپ وتىر. ونىڭ ىشىندە 1,2 ملن توننا ءشوپ, 341 مىڭ توننا سابان, 117 مىڭ توننا پىشەندەمە, 203 مىڭ توننا سۇرلەم جانە 307 مىڭ توننا جەمدىك استىق قامتىلماق, دەپ جازادى Egemen.kz.
مال ازىعى داقىلدارىنىڭ ەگىس كولەمى – 92,5 مىڭ گەكتار. قازىرگى كۇنگە دەيىن وڭىردە 994 مىڭ توننا مال ازىعى جينالدى. اتاپ ايتقاندا, 82,8 مىڭ گەكتار كوپجىلدىق ءشوپتىڭ ءبىرىنشى شابىندىعى اياقتالىپ, ەكىنشى شابىن ءجۇرىپ جاتىر. بىرجىلدىق ءشوپ – 7 مىڭ گەكتار, تابيعي شابىندىق – 107 مىڭ گەكتار كولەمىندە ورىلدى. 76 مىڭ توننا سابان, 15 مىڭ توننا جەم جانە 786 مىڭ توننا ءشوپ دايىندالدى. سونىمەن قاتار, 117 مىڭ توننا پىشەندەمە باسىلدى.
وبلىستاعى مالدى قىسقا دايىنداۋ ءۇشىن 2,89 ملن توننا جەم-ءشوپ قاجەت. ونىڭ 653,4 مىڭ تونناسى – وتكەن جىلدان قالعان قور. اۋىلداردا ءشوپ دايىنداۋ جۇمىستارى قارقىندى جۇرۋدە.