استانا قالاسىندا ءوتىپ جاتقان سوت پروتسەسىندە پەريزات قايرات پەن ونىڭ اناسى عايني الاشباەۆاعا قاتىستى قىلمىستىق ءىس بويىنشا تاراپتاردىڭ ءجارىسسوزى كەزىندە ايىپتالۋشىنىڭ جابىق وتىرىستا بەرگەن كەيبىر جاۋاپتارى جاريا ەتىلدى, دەپ حابارلايدى Egemen.kz.
مەملەكەتتىك ايىپتاۋشى ارمان كازەكەننىڭ مالىمدەۋىنشە, پەريزات قايرات وزىنە تاعىلعان ايىپتى مويىنداماعان. ول سوتتا قاراجاتتى بانك ارقىلى ەمەس, قولما-قول تۇردە پالەستيناعا اپارعانىن ايتىپ, بۇلاي جاساۋ ارقىلى حالىقارالىق اۋدارىمنىڭ اسكەري قاقتىعىستى قارجىلاندىرۋ رەتىندە قابىلدانۋىنان قاۋىپتەنگەنىن تۇسىندىرگەن.
«پەريزات قايرات شەتەلگە ءجيى شىعۋىن وسى سەبەپپەن بايلانىستىرسا دا, بۇل ساپارلار بىرىككەن اراب امىرلىكتەرىندە جاسالعان قىمبات ساتىپ الۋلارمەن قاتار جۇرگەن», دەدى پروكۋرور ارمان كازەكەن.
تەرگەۋ دەرەكتەرى بويىنشا, پەريزات قايرات پەن ونىڭ اناسى ازاماتتاردان پالەستينا حالقىنا گۋمانيتارلىق كومەك رەتىندە جينالعان 559 ملن تەڭگەنى جىمقىردى دەپ ايىپتالىپ وتىر.
ايىپتاۋشى تاراپ قاراجاتتىڭ زاڭداستىرۋى Rebel Flowers گۇل دۇكەنىن ساتىپ الۋ ارقىلى جۇرگىزىلگەنىن العا تارتقان.
سوت پروتسەسى جالعاسىپ جاتىر.