ءوڭىر ديقاندارى سۋارۋ ماۋسىمى باستالعالى 24 ملن تەكشە مەتردەن استام سۋ العان. بيىل «قازسۋشار» رمك-نىڭ شىعىس قازاقستان وبلىسىنداعى فيليالى شارۋالارمەن سۋارمالى سۋدى جەتكىزۋ بويىنشا 490-نان استام كەلىسىمشارت جاساسقان, دەپ حابارلايدى Egemen.kz.
بۇگىندە ءوڭىر بويىنشا 5 815,7 گەكتار ەگىستىك القاپقا سۋ بەرىلىپ وتىر.
«قازسۋشار» رمك-نىڭ اتالعان وبلىس بويىنشا فيليال ديرەكتورى نۇرجان ءامىرجانوۆتىڭ ايتۋىنشا فيليال 7 جاڭا ارنايى تەحنيكا العان, جىل سوڭىنا دەيىن قالعان 13 تەحنيكا جەتكىزىلمەك.
«جاڭا تەحنيكالار كانالداردى مەحانيكالىق ادىسپەن تازارتۋ جۇمىستارىنا پايدالانىلىپ جاتىر. جاڭا ەكسكاۆاتورلاردىڭ كومەگىمەن ۇزىندىعى شامامەن 55,3 شاقىرىم بولاتىن كانالدار تازارتىلدى. بۇگىندە بارلىق جۇمىسشى مەن تەحنيكا سۋارۋ كانالدارى مەن سۋ جەتكىزۋ جۇمىستارىنا جۇمىلدىرىلعان», دەدى ن.ءامىرجانوۆ.