بۇل تۋرالى بۇگىن ۇكىمەت وتىرىسىندا ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ مالىمدەدى, دەپ جازادى Egemen.kz.
ونىڭ ايتۋىنشا, وسى جىلدىڭ ءبىرىنشى جارتىجىلدىعىندا مەتاللۋرگيا, كەن ءوندىرۋ سالاسىندا وڭ ديناميكا بايقالعان.
نەگىزگى مەتالداردىڭ ءارى قاراي وڭدەلۋىنە, قوسالقى سالالاردىڭ دامۋىنا جانە جوعارى وڭدەلگەن ونىمدەردىڭ وندىرىسىنە ايرىقشا نازار اۋدارىلىپ جاتىر. 2025 جىلى مىس وڭدەۋدى ەكى ەسەگە, ءاليۋمينيدى 50%-عا, قورعاسىندى ەكى ەسەدەن استام ۇلعايتۋ, سونداي-اق مىرىش ءوندىرىسىن 11%-عا ارتتىرۋ جوسپارلانىپ وتىر. جالپى ىشكى ونىمدەگى تاۋ-كەن مەتاللۋرگيا كەشەنىنىڭ ۇلەسى 8%-دى قۇرايدى, ءونىم كولەمى 14 ترلن تەڭگەدەن اسادى. بۇل سالادا 224 مىڭعا جۋىق ادام جۇمىسپەن قامتىلعان. 2024 جىلى مەتاللۋرگيا سالاسىنا 1,7 ترلن تەڭگەدەن استام ينۆەستيتسيا سالىنعان. سالاداعى ەڭبەك ونىمدىلىگى ءبىر جۇمىسشىعا شاققاندا $102 مىڭدى قۇراپ, 9,4 %-عا وسكەن. وتاندىق كاسىپورىنداردى نەگىزى مەتالدارمەن قامتاماسىز ەتۋ شاراسى ورتاشا جانە جوعارى ونىمدەردى وندىرەتىن كاسىپورىنداردىڭ جۇكتەمەسىن ۇلعايتۋعا مۇمكىندىك بەرىپ وتىر. ناتيجەسىندە كاتانكا, كابەل ونىمدەرى, اككۋمۋلياتور, تەرەزە پروفيلدەرى مەن جيھاز فۋرنيتۋرالارىنىڭ جانە باسقا دا تاۋارلاردىڭ ءوڭدىرىسى ۇلعايپ كەلەدى. سونداي-اق جىلىتۋ رادياتورلارىن وندىرىستىك اككۋمۋلياتورلار مەن لاتۋن بۇيىمدارىن وندىرەتىن جاڭا جوبالار ىسكە قوسىلعان.