قازاقستاندى ۆەلوسيپەدپەن ارالاپ جۇرگەن 71 جاستاعى ساياحاتشى, تەمىرجول سالاسىنىڭ ارداگەرى جۇماباي وتارعاليەۆ جەزقازعان قالاسىنا ايالدادى. ول جەزقازعان جوعارى پوليتەحنيكالىق كوللەدجىنىڭ ماتەريالدىق-تەحنيكالىق بازاسىمەن تانىسىپ, ستۋدەنت جاستارمەن جۇزدەستى, دەپ حابارلايدى Egemen.kz.
جۇماباي وتارعاليەۆ بالا كۇنىنەن سپورتتى سەرىك ەتكەن. قازىرگى تاڭدا ول ەلىمىزدىڭ تۇكپىر-تۇكپىرىن ارالاپ, جاس بۋىنعا سالاۋاتتى ءومىر سالتىن ناسيحاتتاپ كەلەدى.
بۇل جولعى ساپارى – اباي قۇنانباي ۇلىنىڭ 180 جىلدىعى مەن قازاقستان حالقى اسسامبلەياسىنىڭ 30 جىلدىعىنا ارنالدى. ورال قالاسىنان شىققان ۆەلوشەرۋشى جيدەبايعا دەيىنگى باعىتتا ءجۇرىپ ءوتىپ, ۇلت ۇياسى – ۇلىتاۋعا ايالدادى.
«ەل ارالاپ, جەر كورۋ – بالا كۇنگى ارمانىم ەدى. ۆەلوسيپەدپەن العاش رەت 2017 جىلى ساپارعا شىقتىم. سودان بەرى 100-دەن اسا ەلدى مەكەندە بولدىم», دەيدى ۆەلوشەرۋشى.
قاتارداعى زەينەتكەر 49 مىڭ تەڭگەگە العان ۆەلوسيپەدىمەن بىرنەشە جىلدان بەرى مىڭداعان شاقىرىمدى ارتقا تاستاپ كەلەدى. شالقاردان اقتوبەگە دەيىنگى العاشقى ساپارى 4-5 كۇنگە سوزىلىپتى. سودان بەرى ۆەلوسيپەدىن سەرىك ەتىپ, ەل ارالاپ كەلەدى.
ۇلىتاۋ وبلىسى