سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتوراعاسى قۋانىش سۇلتانوۆتىڭ وسلوداعى بەيبىتشىلىك جانە ادام قۇقىعى ورتالىعى پرەزيدەنتىنىڭ كەڭەسشىسى الف حانسەن وگەمەن كەزدەسۋىندە قازاقستان مەن وسى ۇيىمنىڭ ىنتىماقتاستىعىن ودان ءارى نىعايتۋ ماسەلەلەرى تالقىلاندى.
كەزدەسۋ بارىسىندا ق.سۇلتانوۆ ورتالىق جۇمىسىنىڭ حالىقارالىق دەڭگەيدەگى تولەرانتتىلىق قاعيدالارىن ودان ءارى ىلگەرىلەتۋ جانە سەنىم مەن ىنتىماقتاستىق تۇرعىسىنداعى ۇنقاتىسۋدى نىعايتۋ جايىنداعى ويلارىن ورتاعا سالدى.
ا.ح.وگە تولەرانتتىلىق پەن ءدىنارالىق ۇنقاتىسۋدى دامىتۋداعى قازاقستاننىڭ قوماقتى ۇلەسىن اتاپ وتە كەلىپ, ادام قۇقىن نىعايتۋ, قورعاۋ جانە قولداۋ جونىندەگى بىرلەسكەن جۇمىستاردى جالعاستىرۋعا ورتالىقتىڭ ازىرلىگىن جەتكىزدى, دەپ حابارلادى پارلامەنت سەناتىنىڭ ءباسپاسوز قىزمەتى.