سوڭعى كۇندەرى اقمولا وبلىسىندا ءۇش ايەل ەسىرتكى تاراتقانى ءۇشىن ءتيىستى جازاعا تارتىلدى. 28 جاستاعى كوكشەتاۋ تۇرعىنى ءموبيلدى قوسىمشا ارقىلى ەسىرتكى ساتقان, دەپ حابارلايدى Egemen.kz.
از ۋاقىت ءادىس-تاسىلدەرىن مەڭگەرگەن, كەيىن استاناعا تاۋار الۋعا بارىپتى. جەتەكشىلەرىنىڭ ايتۋىمەن جاسىرىلعان جەرىنەن ەسىرتكى تولتىرىلعان پاكەتتى الىپ, كوكشەتاۋعا ورالعان. ەسىرتكىنى شاقتاپ ءبولىپ, بىرنەشە جەرگە جاسىرىپ قويماقشى بولعان. ايتسە دە جولى بولمادى. پوليتسيا قىزمەتكەرلەرى بىردەن قولعا ءتۇسىردى. وسى ارەكەتى ءۇشىن 7 جىلعا سوتتالدى.
19 جاسار ناركوديللەر قىلمىستىق ارەكەتىن باستاسىمەن-اق پوليتسيا قىزمەتكەرلەرىنىڭ نازارىنا ىلىكتى. كوپ ۇزاماي قولعا ءتۇستى. ەندى ول دا جەتى جىل جاس عۇمىرىن قاماۋدا وتكىزبەك. ءۇشىنشىسى, جيىرما جاستاعى استانا قالاسىنىڭ تۇرعىنى. ول استانادا ءدال وسىنداي قىلمىستىق ىسپەن اينالىسسا كەرەك. كوكشەتاۋعا كەلىپ ەسىرتكى زاتتارىن كۇنى بۇرىن كەلىسىلگەن جەرگە جاسىرماقشى بولعان كەزدە قولعا ءتۇستى. پوليتسيا قىزمەتكەرلەرى جولى بولماعان ناركوديللەردەن سينتەتيكالىق ەسىرتكى تاركىلەدى. كوكشەتاۋ قالالىق سوتى ونى 4,5 جىلعا سوتتادى.
كوكشەتاۋ.