«ۇلتتىق قور – بالالارعا» باعدارلاماسى اياسىندا بىلتىرعى جىلدىڭ اقپانىنان شىلدەگە دەيىن 117 495 ءوتىنىش ورىندالىپ, 14,86 ملن دوللار ءوتىنىش بەرۋشىلەردىڭ بانكتىك شوتتارىنا اۋدارۋ ءۇشىن ۋاكىلەتتى وپەراتورلارعا جولدانعان.
كامەلەت جاسقا تولعانداردىڭ العاشقى لەگى قاراجاتىن جۇمساپ ۇلگەردى. ونىڭ ىشىندە تۇرعىن ءۇي جاعدايىن جاقسارتۋ ماقساتىندا 9,20 ملن دوللار سوماسىندا 71 488 ءوتىنىش ورىندالعان. وقۋ اقىسىن تولەۋ ءۇشىن 5,66 ملن دوللار سوما 46 007 ءوتىنىش بەرۋشىگە تيگەن. نىسانالى جيناقتاردى الۋشى بارلىق سومانى نەمەسە ونىڭ ءبىر بولىگىن پايدالانۋعا قۇقىلى. پايدالانىلماعان قارجى نىسانالى جيناقتاۋ شوتىندا قالادى.
قاراجاتتى تۇرعىن ءۇيدى جاقسارتۋعا پايدالانعانداردىڭ دەنى جارنانى تۇرعىن ءۇي قۇرىلىسى جيناقتارىنداعى سالىمدى تولىقتىرۋ ءۇشىن پايدالانعان. وسى ماقساتتا 9 ملن دوللارعا 69 756 ءوتىنىش ورىندالعان. يپوتەكالىق تۇرعىن ءۇي قارىزىن الۋدى ويلاستىرىپ باستاپقى جارنا اۋدارۋدى ويلاعانداردىڭ 66,52 مىڭنان دوللارعا 551 ءوتىنىش ماقۇلدانعان. ازاماتتىق-قۇقىقتىق مامىلەلەر بويىنشا مەنشىككە تۇرعىن ءۇي ساتىپ الۋعا (تۇپكىلىكتى ەسەپ ايىرىسۋ) جالپى سوماسى 49,84 مىڭ دوللار 436 ءوتىنىش بەرۋشىگە تيگەن.
باعدارلاماعا سايكەس, ۇلتتىق قور ينۆەستيتسيالىق تابىسىنىڭ 50%-ى جىلىنا ءبىر رەت 2006 جىلى, ودان كەيىن تۋعان, 18 جاسقا تولماعان ەل ازاماتتارىنا بولىنەدى. 2023 جىلى بارلىق نىسانالى جيناقتاردى الۋشىلارعا 100,52 دوللار, بىلتىر 129,38 دوللار ءتيدى. 2006 جىلى تۋعانداردى قوسپاعاندا, 2023 جىلى ۇلتتىق قوردان العاشقى قاراجات العان بالالارعا بيىل 3,04 دوللارى مولشەرىندە ينۆەستيتسيالىق تابىس ەسەپتەلگەن. ناتيجەسىندە, 2006 جىلى تۋعان بالانىڭ نىسانالى جيناقتارى 100,52 دوللار, 2007 جىلى تۋعان بالانىڭ جيناعى 232,94 دوللاردى قۇرايدى.