ەلوردادا قازاق ءتىلىن ۆيزۋالدى كەڭىستىكتە زاماناۋي, تارتىمدى ءارى قولجەتىمدى فورماتتا ۇسىنۋ ماقساتىندا ارنايى فوتوايماقتار ورناتىلدى, دەپ جازادى Egemen.kz.
ۇيىمداستىرۋشىلاردىڭ ايتۋىنشا, بۇل باستاما تەك تىلدىك قۇندىلىقتاردى ناسيحاتتاپ قانا قويماي, ۇلتتىق مادەنيەتتى جاڭا, ءستيلدى ءارى زاماناۋي فورماتتا كورسەتۋ ارقىلى قازاقى رۋحتى ساقتاۋعا جانە دامىتۋعا سەپتىگىن تيگىزەدى.
قازاق تىلىندە كرەاتيۆتى فوتوايماقتار ورناتۋ قوعامدىق ورىنداردا جاستاردىڭ سۋرەتكە ءتۇسىپ, الەۋمەتتىك جەلىلەردە بولىسۋىنە ىڭعايلى ەتىپ جاسالعان.
مۇنداي فوتوايماقتار قازىرگى ۋاقىتتا نۇرا اۋدانىندا (عاشىقتار ساياباعى, ەسىل وزەنىنىڭ جاعالاۋى), سارىارقا اۋدانىندا (اربات), الماتى اۋدانىندا («جەتىسۋ» جانە «ترياتلون» پاركتەرىندە) ورنالاستىرىلعان.