12–14 شىلدە ارالىعىندا ەل اۋماعىندا اۋا رايى قۇبىلمالى بولادى. اتموسفەرالىق فرونتالدى بولىكتەردىڭ اسەرىنەن رەسپۋبليكانىڭ باسىم بولىگىندە جاڭبىر جاۋىپ, نايزاعاي وينايدى. سولتۇستىك جانە شىعىس وڭىرلەردە نوسەر جاڭبىر جاۋىپ, بۇرشاق ءتۇسۋى مۇمكىن, سونىمەن قاتار داۋىل سوعۋى ىقتيمال, دەپ حابارلايدى Egemen.kz.
سينوپتيكتەردىڭ بولجامى بويىنشا, 12 شىلدە كۇنى باتىس وڭىرلەردە اۋا تەمپەراتۋراسى +35…+39°C دەيىن كوتەرىلىپ, كەي جەرلەردە +40…+42°C اپتاپ ىستىق كۇتىلەدى.
ال ەلىمىزدىڭ وڭتۇستىك-باتىسىندا اپتاپ ىستىق ساقتالادى. اۋا تەمپەراتۋراسى +39…+44°C ارالىعىندا بولادى. 14 شىلدەدە بۇل وڭىردە تەمپەراتۋرا +38…+42°C شاماسىندا بولادى.
باسقا وڭىرلەردەگى اۋا تەمپەراتۋراسى كەلەسىدەي بولادى:
سولتۇستىك ايماقتاردا — +15…+23°C; شىعىستا — +22…+30°C; وڭتۇستىكتە — +40…+43°C; وڭتۇستىك-شىعىستا — +35…+38°C گرادۋس.